Lidhu me ne

Mix

Çfarë i ndodh trupit tuaj kur pini kafe çdo ditë

Efektet e kafeines ne trup

Kafeja është shumë më tepër se një pije e domosdoshme në mëngjes, por edhe një burim i fosforit dhe magnezit. E mbushur me antioksidantë, kjo pije mund të ofrojë disa përfitime shëndetësore.

Nëse jeni një nga njerëzit e shumtë që pini kafe çdo ditë dhe po pyesni veten se çfarë mund t’i bëjë ky zakon trupit tuaj, vazhdoni të lexoni për të mësuar më shumë rreth kësaj teme të rëndësishme.

Përfitimet shëndetësore të kafesë

Në varësi të mënyrës se si preferohet të konsumohet, kafeja mund të ketë disa efekte mjaft të mahnitshme shëndetësore. Këtu janë disa rezultate që lidhen me konsumimin e kafesë që janë mjaft mbresëlënëse.

  1. Më shumë Energji

Kokrrat e kafesë përmbajnë kafeinë, një stimulues natyral që mund t’ju ndihmojë të ndiheni më energjikë. Kafeina stimulon sistemin nervor qendror, duke i ndihmuar njerëzit të marrin më shumë energji.

  1. Humor i përmirësuar

Shumë adhurues të kafesë do të pajtohen që një filxhan kafe e mirë është bileta drejt lumturisë. Dhe ka të dhëna aktuale për të mbështetur këtë ide.

Një studim i vitit 2019 i botuar në Journal of Basic and Clinical Physiology and Pharmacology tregoi se të rriturit përjetuan përmirësim të humorit 30 minuta pas konsumimit të kafeinës. Më tej, pirja e kafesë së rregullt rezultoi në përmirësim më të lartë dhe më domethënës të humorit sesa konsumimi i një pije tjetër.

  1. Reduktimi i rrezikut nga sëmundja e Alzheimerit

Kafeja nuk ka në përmbajtjen e saj vetëm kafeinë. Kafeja gjithashtu përmban një sërë përbërësish polifenol bioaktive që mund të përmirësojnë disa aspekte të shëndetit tonë, duke përfshirë shëndetin mendor. Disa studime sugjerojnë se konsumi i kafesë mund të lidhet me një rrezik të zvogëluar të zhvillimit të disa problemeve neurodegjenerative si sëmundja e Alzheimerit, sëmundja e Parkinsonit dhe demenca.

  1. Përmirëson peristaltikën e zorrëve

Pirja e një filxhani kafeje mund t’ju japë një nxitje të energjisë. Konsumimi i stimulon lëvizshmërinë e zorrës së trashë, ose lëvizjen që ndodh në traktin tuaj gastrointestinal.

Rreziqet e mundshme

a photo of a steaming hot cup of coffee on a table

Është e qartë se konsumimi i kafesë është i lidhur me disa përfitime mjaft mbresëlënëse. Por kafeja nuk është një pije e përsosur për të gjithë. Le të shohim disa nga rreziqet e mundshme.

Ankthi

Marrja e tepërt e kafeinës lidhet me një rrezik të shtuar të përjetimit të ankthit, sipas një studimi të vitit 2020 të publikuar në Nutrients. Një studim tjetër i publikuar në vitin 2021 në “Cureus” duke vlerësuar studentët e kolegjit tregoi se marrja më e madhe e kafeinës shoqërohej me ankthi, si dhe me çrregullime të gjumit dhe oreks të dobët.

Rritja e rrezikut për fraktura

Osteoporoza është një sëmundje që prek pothuajse 20% të grave mbi moshën 50 vjeç. Nëse një person vuan nga probleme të osteoporozës mund të rrisë rrezikun për të përjetuar një frakturë kockore.

Konsumimi i kafesë është i lidhur me efekte negative në shëndetin e kockave, sipas disa të dhënave. Një përmbledhje sistematike dhe një analizë e botuar në vitin 2022 në “Osteoporosis International” tregoi se një lidhje e varur nga doza e marrë nga kafeja mund të ekzistojë midis konsumit të kafesë dhe incidencës së frakturave të ijeve, që do të thotë se sa më shumë kafe të konsumohet, aq më i madh është rreziku i frakturës.

Komplikimet e mundshme të shtatzënisë

Organizatat e ekspertëve, si Kolegji Amerikan i Obstetërve dhe Gjinekologëve, sugjerojnë deri në 200 mg kafeinë në ditë për t’u konsumuar gjatë shtatzënisë. Megjithatë, provat e reja sugjerojnë se edhe pak kafeinë mund të sjellë disa rreziqe. Një analizë e vitit 2021 tregoi se, nga 17 studime, 14 nga studimet treguan se marrja e kafeinës gjatë shtatzënisë lidhej me një rrezik në rritje të abortit, peshës së ulët të lindjes së foshnjës dhe leuçemia akute e fëmijërisë.

Gjithmonë respektoni rekomandimet e mjekut tuaj nëse kafeina është e sigurt për t’u konsumuar gjatë shtatzënisë.

Presioni i lartë i gjakut

Konsumimi i rregullt i kafesë është shoqëruar shpesh me ndikime pozitive dhe negative në presionin e gjakut. Sidoqoftë, reagimet individuale ndaj kafesë mund të ndryshojnë dhe ata me kushte të caktuara shëndetësore ose me predispozicion ndaj hipertensionit duhet të konsultohen me një mjek.

Varësia

Për shkak se kafeina është një ilaç stimulues, ata që pinë zakonisht kafeinë mund të zhvillojnë një varësi fizike, emocionale dhe psikologjike prej saj. Përveç kësaj, ata që pinë kafe mund të përjetojnë sindromën e tërheqjes nga kafeina, e cila mund të rezultojë në dhimbje koke dhe efekte të tjera të pakëndshme.

Kafeja ofron përfitime të shumta shëndetësore, disa njerëz duhet ta kufizojnë ose shmangin atë. Kjo përfshin njerëzit me stomak të ndjeshëm ose ata të prirur ndaj sëmundjes së refluksit gastroezofageal, pasi kafeina mund të stimulojë prodhimin e acidit. Gjithashtu edhe gratë shtatzëna, si dhe njerëzit me çrregullime të gjumit, ankth ose anemi, pasi kafeja mund të pengojë përthithjen e hekurit. Dhe së fundmi, nëse merrni ilaçe për të trajtuar çrregullimet e tiroides, është e rëndësishme të kufizoni ose shmangni kafenë.

Burimi: EatingWell.com/ Emily Lachtrupp, M.S., RD

MË TEPËR

Mix1 ditë më herët

Braktisi Italinë për Shqipërinë pas 30 vitesh, Beniada Nishani rrëfen arsyet

Modelja e njohur Beniada Nishani ka treguar se ishte vetëm 3 vjeç e gjysmë kur së bashku me familjen u...

Aktualitet1 ditë më herët

Një provokim pa shije në tarracën e një bashkie

Dom Gjergj Meta Merret vesh lehtë se ky është një provokim, i kërkuar, i mirëmenduar dhe i mirorganizuar nga lobe...

Mix1 ditë më herët

Nektarina apo pjeshkë? Ndryshimet dhe efektet shëndetësore të frutave të stinës

Pjeshkët dhe nektarinat janë dy varietete të së njëjtës specie. Ndryshimet midis këtyre dy varieteteve kanë të bëjnë sidomos me...

Radar1 ditë më herët

Pasuese e Berishës? Argita e pranon: Jam gati të marr drejtimin e PD

Edhe pse tha se nuk ka asnjë plan konkret, Argita Malltezi u shpreh në A2 CNN se është e gatshme...

Radar1 ditë më herët

“Pushteti i drejtësisë ishte marrë peng”, Spiropali: Opozita në mëngjes kërkon drejtësi nga SPAK, në darkë dalin poshtë ballkonit të Berishës

Elisa Spiropali, ministre për Marrëdhëniet me Parlamentin, foli për Prokurorinë e Posaçme, duke e quajtur si diçka të re në...

Mix4 ditë më herët

Celine Dion publikon foton e rrallë me dy binjakët e saj 13 vjecarë!

Së fundmi, Celine Dion, e cila është larguar prej kohësh nga qendra e vëmendjes për shkak të problemeve shëndetësore, ka...

Mix4 ditë më herët

Meghan Markle thuhet se është në panik, një dokumentar i ri do të zbulojë detaje tronditëse nga martesa e saj e parë!

Meghan Markle, sot Dukesha e Sussex prej martesës së saj me Princ Harry, ka një të kaluar pak të njohur...

Mix4 ditë më herët

Keni dhimbje barku, por nuk jeni me perioda? +10 shkaqet pse mund të ndodhë

FOTO: ARIS LEOVEN | CANVA Keni dhimbje të forta barku, por nuk jeni me menstruacione? Kjo është një ndjesi e...

Mix4 ditë më herët

Nëse do të provosh një model klasik flokësh, frymëzohu nga Selena Gomez

FOTO: GETTY IMAGES Momentet më të bukura të stilit nga tapeti i kuq në jug të Francës, ku po mbahet...

Mix4 ditë më herët

Ju prezantojmë me 8 ushqimet më të mira për shëndetin e trurit

FOTO: MARYNA IAROSHENKO / GETTY IMAGES E dini që 20% e kalorive që merrni nga ushqimet përdoren nga truri ynë?...

Facebook