Mix
Ndryshimi shokues i Kim Kardashian lidhet me gruan e Kanye West
Me flokë të prera shkurt, vetulla super të holla që na kujtojnë ikonën Pamela Anderson, bluzat e ndotura me njolla dhe veshjet nga reçipetat e tylit tek pulovrat apo pantallonat, ndryshimi drastik i Kim Kardashian në kopertinën e CR Fashion Book vazhdon t’i befasojë të gjithë.
Ndërsa, njerëzit janë të ndarë në komentet e tyre, ku i pari që dominon në postimin e Kardashian shkruan: “Ai që ta ka bërë këtë, me siguri nuk të ka dashur”, ka plot të tjerë që ndajnë mendime ndryshe në lidhje me super transformimin e Kim Kardashian. Pamja më e re e saj i ka bindur njerëzit se Kim po përpiqet të imitojë gruan e ish-burrit të saj Kanye West, Bianca Censori.
Zgjedhjet e guximshme të veshjeve në setin e ri fotografik morën jo pak vëmendje, por të gjithë po flasin për ndryshimin në modelin e flokëve. Në gjithë vitet e angazhimit në jetën publike, Kim Kardashian numëron 180 modele me flokët e gjata, por ndryshimi drastik këtë herë po konsiderohet si një goditje për të dashurën e re të West, Bianca Censori (e cila është e njohur për prerjen e guximshme pixie).
Nën postim, shumë fansa i shkruan Kim-it komente si: “Është krejtësisht vibe i Bianca Censorit dhe është e çuditshme”, “Po dukesh si Bianca Censori” dhe “Je komplet Bianca…”.
Kush është Bianca Censori?
Reperi Kanye West dhe Censori filluan të takoheshin në nëntor të vitit të kaluar dhe dyshohet se ata u martuan dy muaj më vonë. Për këtë të fundit, nuk ka ende shkresa zyrtare, pra një certifikatë martese edhe pse në media u përfol se gjithçka ishte një ceremoni private, sipas New York Post.
Çifti kanë qenë shpesh protagonistë në media për pamjet e çuditshme, që sollën jo pak polemika sidomos në Itali, ku Kanye ecte rrugëve pa këpucë, ndërsa Bianca pa reçipeta ose me një jastëk para gjoksit dhe geta të holla.
