Lidhu me ne

Kioske

Hileqar dhe i vogël deri në fund

Edi Rama | Balkan Insight

Skerdilajd Zaimi

Edi Rama i hapi sytë Bashkimit Europian për Ballkanin Perëndimor dhe me propozimin e vet për draft-statutin e Asocacionit të komunave me shumicë serbe hodhi bazat e një dokumenti europian. Kështu e përcjellin media pranë qeverisë shqiptare sfondin e propozimit të ri europian. Një kokë nga një dokument që mund të jetë gjithçka dhe media e Baton Haxhiut, një lloj kaçaku mediatik i Albin Kurtit, sugjeron gjenialitetin e kryeministrit të Shqipërisë. 

Mirëpo në të njëjtën media, e në të tjera që i shkojnë pas ekspertit të mllefit, shënohet se pranimi prej Kurtit i propozimit të ri europian, përfaqëson një dështim të tijin spektakolar, një dorëzim madje, sepse ai ka pranuar firmosjen e Asocacionit që është në thelb automomi territoriale për serbët. Pra diplomacia e Ramës është e spikatur dhe madje i ka ndihmuar Kosovës që të dalë nga bataku, por me pranimin e rezultateve të saj, kryeministri i Kosovës dhe presidentja e saj po i hapin gropën vendit.

Lajthitje të tilla nuk kanë nevojë të shpjegohen. Ne këtu jemi para një përpjekjeje me teknikën e zakonshme të dikujt që do medalje të një suksesi diplomatik që është ende teorik dhe më së shumti atmosferik. Asgjë nuk ka lëvizur në terren. Kjo për arsye se marrëveshja e propozuar nga BE ka si paradigmë një tekst bidireksional që lidh Asocacionin me Njohjen de Facto nga Serbia dhe kjo u bë e qartë kaq mirë saqë detyroi Aleksandër Vuçiç të deklarojë se nuk do ta njohë Kosovën. 

Vuçiç i dha Kurtit kredite kur deklaroi se pranimi prej kryeministrit të Kosovës i të gjitha kërkesave europiane ishte taktikë dhe truk përderisa ai e dinte se Serbia nuk do të pranonte dhe në këtë pikë është e kotë të flitet për përmbajtjen e tekstit për Asocacionin, të cilin Prishtina e tematizoi në fazën e negociatave para tensioneve në Zveçan. Duhet të kemi parasysh se protestat në Zveçan dhe plagosja e ushtarëve të KFOR duke tensionuar marrëdhënien e këtij të fundit me qeverinë e Kosovës, synonte të maksimalizonte presionin mbi Prishtinën që të pranonte në ato kushte artificiale vetëm një kërkesë të dyshes se diskredituar Lajçak – Borrell: Asocacionin. Kjo nuk ndodhi dhe ndërkohë që Kurti sugjeroi termin e papranueshëm për Beogradin “vetëmenaxhim” u vu në lëvizje z. Rama që në fakt rienergjetizoi momentumin e vdekur të diplomacisë okulte Lajçak -Borrell me një propozim teknik, ndërkohë që Kosova duhet të negocionte stabilitetin e cenuar nga  pala serbe që po donte të tregonte se “Veriu ishte tokë e askujt”. 

Sikur të pranojmë për një moment si të vërtetë këtë që sugjeron Baton Haxhiu, pra se drafti i gjithëpranuar i Ramës(edhe nga Vuçiç sipas tij) është në bazë të një dokumenti europian cilësisht ndryshe dhe optimal, atëherë mund të pyesim: pse u organizua Banjska? Ç’nevojë kishte Serbia për atë autogol dinamikën e të cilit ende nuk e dimë? Për çfarë i duhej Serbisë ai incident që i solli likujdimin e një pjese të mirë të dispozitivit paramilitar në Kosovë? E dëmtoi rëndë imazhin e saj dhe madje dëmtoi edhe potencialin shpërthyer të saj në Kosovë? Dhe mos vallë ajo konferenca e alarmuar e z. Rama kur njoftoi propozimin e ri lidhet me diplomacinë e shantazhit ndaj Kosovës, zëdhënës i së cilës u bë(për të mirën e kombit patjetër) z. Rama? A ishte kjo lloj diplomacie e pas kuintave që “autorizoi” Banjskën me heshtjen e vet? T’ia lëmë kohës…

Drafti i ri europian erdhi pra në kushtet e një katalize të tensionit  ushtarak dhe ai këtu i shërben më mirë Serbisë që ka sërish në tryezë një ofertë të ndryshuar, por të diskutueshme, të cilin ende nuk e njohim. Në ditën e propozimit të tij më 8 qershor, ai nuk u kushtëzua me njohjen de facto si sot nga pesë vendet europiane dhe ShBA dhe ky ishte një defiçit i madh strategjik pasi e ruante negociimin në të njëjat pozita për Serbinë. Pa shtrëngime për të. Siç e tha edhe Vuçiç, “Kurti e pranoi sepse e dinte se Serbia do thoshte Jo”. Por kjo ndodhi kur Serbisë iu kërkua NJOHJA. 

Dhe në fund, është mjerane, qesharake në kulm, por e denjë për një gjallesë vanitoze si ky Edi Rama, që një kryeministër të kërkojë merita për një propozim me natyrë teknike, lëm i ekspertëve, ndërkohë që një nismë diplomatike do të kërkonte në fakt një kuadër për marrëveshjen, që të mund të quhej diçka cilësisht e re. Por jemi mësuar tashmë me këtë mësues të vetvetes dhe çirakët entuziastë të tij kur është fare e qartë se në qershor 2023, problemi mes Serbisë dhe Kosovës nuk ishte më përmbajtja e draftit për Asocacionin. E për Kosovën, as interes i saj.

/Respublica.al

MË TEPËR

Mix6 orë më herët

Roli i jastëkut tek dhimbjet e qafës – Kujdesi që duhet të tregoni

Cilësia e jastëkut është e një rëndësie thelbësore për gjumin. Ai mund të na ndihmojë të kemi një gjumë të...

Mix6 orë më herët

Arrat, bajamet, lajthitë – Fuqi të forta kundër diabetit

Konsumimi i arrorëve është një nga zgjidhjet natyrale më të mira për t’u mbrojtur nga mundësia e diabetit. Lajm i...

Mix6 orë më herët

“Krejt e thirrin Rexhon”: Filmi për largimin nga Maqedonia e Veriut

Një realitet që prek mijëra shqiptarë të Maqedonisë së Veriut tashmë është sjellë në ekran përmes një filmi që po...

Mix7 orë më herët

TikTok është fiksuar pas “dopamine drinks” – A e përmirësojnë vërtet humorin?

Një pije që të bën të ndihesh më i lumtur? Super, më sillni 14 të tilla tani! Ndoshta ke dëgjuar...

Mix7 orë më herët

Sot është dita e duhur për të hapur biznesin tënd, ja 20 arsyet

Nëse po mendon të hapësh një biznes tëndin, urime! Ky është vetëm fillimi i një aventure që mund të ndryshojë...

Mix7 orë më herët

Kufjet Apple Powerbeats Pro 2 tregojnë rrahjet e zemrës

Më në fund është këtu, Apple ka zbuluar Powerbeats Pro 2 të ri, kufjet që premtojnë të revolucionarizojnë botën e...

Mix7 orë më herët

Roblox, Discord, OpenAI dhe Google bashkojnë forcat për të mbrojtur të miturit

Google, OpenAI, Roblox dhe Discord kanë krijuar ROOST (Robust Open Online Safety Tools). Është një organizatë jofitimprurëse që synon të zhvillojë mjete të Ai...

Radar7 orë më herët

Edhe Ardit Gjebrea bën një insta story për Erion Veliajn

Pas ngjarjeve të fundit që lidhen me arrestimin e Erion Veliajt, prezantuesi i njohur Ardit Gjebrea ka dalë publikisht në...

Radar7 orë më herët

Flamur Noka i sulet Taulant Ballës, hedh në tokë gardistin dhe godet me shishe socialistin

Deputeti i Partisë Demokratike, Flamur Noka, iu sul Taulant Ballës në mes të tensioneve gjatë seancës plenare. Gjatë shkëmbimeve të...

Radar7 orë më herët

“Rama ka fshirë fotot me Alex Soros″, Evi Kokalari kundër Berishës: E ke humbur fare! S’ka postuar kurrë, nuk ka amerikan që ju shpëton

Aktivistja shqiptaro-amerikane Evi Kokalari ka reaguar pas deklaratës së Sali Berishës se kryeministri Edi Rama ka fshirë çdo foto me Alex Soros,...

Facebook