Këto ditë duket se vjeshta po kalon, ndërsa dimri po troket.

Ushqimet që ne hamë mund të ndihmojnë në forcimin e sistemit tonë imunitar dhe madje të parandalojnë ftohjet e zakonshme. 

Më poshtë po ju prezantoj disa ushqime që ju ndihmojnë të mbështesni sistemin tuaj imunitar.

– Hudhrat përmbajnë sasi të lartë squfuri që ndihmon trupin tuaj të absorbojë zinkun i cili është një përforcues imunitetit.  Zinkun mund ta gjeni në drithërat si orizi i zi dhe buka integrale, etj.

– Qepa

Qepët përmbajnë kuercetinë e cila ka veti anti-inflamatore dhe antivirale.  Mua më pëlqejnë sepse përmirësojnë shijen e pjatave të përditshme.

– Ushqimet e fermentuara

Lakrat turshi, kosi, djathi na pëlqejnë sepse janë të lehta për t’u bërë në shtëpi dhe po aq të lira për t’u blerë në dyqan.  Ata pakësojnë rrezikun për infeksione të rrugëve të sipërme të frymëmarrjes.

– Boronicat

 Këto janë të preferuara për ëmbëlsira por përmbajnë shumë antioksidantë e vitaminë C.  Në fakt, ndihmon në parandalimin e dëmtimit të qelizave dhe uljen e inflamacionit.

– Kivi

Është e pasur me vitaminë C, folate, kalium dhe antioksidantë, është treguar se ndihmon në uljen e kohëzgjatjes së ftohjes së zakonshme!

– Limonat

Limonat janë të pasur me vitaminë C, fibra dhe komponime të ndryshme bimore të dobishme.

Në fakt, limonët mbështesin shëndetin e zemrës, kontrollin e peshës dhe shëndetin e sistemit të tretjes.

Këshilla ime: -Shtoni limon ne çdo gotë ujë që pini!