Kryeministri Edi Rama është bërë pjesë e një kënge që po bëhet virale në rrjetin social “TikTok”. Një këngëtar boshnjak, i cili në rrjetet sociale njihet me emrin “Doppelgänger” e ka përfshirë kryeministrin Rama në këngën e tij më të fundit. Rama “futet” në nisje të këngës me një batutë që përdori gjatë Forumit Strategjik, i cili u mbajt në Bled të Sllovenisë më 1 shtator 2021.

“Sorry for being so Balkanic, but this is a great thing of being European from the Balkans, because you never lose the sense of humour with your tragedy,”-tha Rama, fjali që në shqip përkthehet: Ndjesë që jam kaq ballkanik, por është e mrekullueshme të jesh evropian nga Ballkani, sepse nuk e humbisni kurrë sensin e humorit, pavarësisht tragjedive që kaloni.

Kjo shprehje është përdorur me qindra mijëra herë në rrjetin social “TikTok” nga përdores të këtij rrjeti social, teksa tregonin tradita të kulturës së tyre.

Kështu ka marrë edhe vëmendjen e këngëtarit “Doppelgänger”, i cili gjithë krijimin e tij artistik e bazon në kulturën e tij duke përdorur fjalë/veprime që vetëm një ballkanas i kupton. Megjithatë nuk dihet nëse kryeministri shqiptar ka dijeni që fraza e thënë prej tij është bërë kaq virale…edhe pse nuk e ka herën e parë që përfshihet në një video muzikore. Vetë ka marrë pjesë në këngët e grupit “West Side Family”, ‘Tirona’ dhe ‘Çohu’, të cilat i ka përdorur gjatë fushatave elektorale, përkatësisht kur garonte për kryebashkiak i Tiranës dhe kryeministër i vendit. Por, po ashtu, është përdorur si personazh edhe në shumë klipe të tjera, më e fundit është kënga e reperit nga Kosova, Buta, i cili ka një këngë të titulluar “Edi Rama”.