“Të shkonte në Holandë dhe nëse nuk i bindte dot, të jepte dorëheqjen”

Spartak Ngjela deklaroi në studion e emisionit “Open” se kryeministri Edi Rama duhet të jepte dorëheqjen pas vendimit të Parlamentit të Holandës për rikthimin e vizave me Shqipërinë.

“Vendimi i Holandës është shqetësues, është çështje e rëndë. Lërë se ç’thotë Rama dhe opozita. Si thotë kryeministri që janë 102 veta që janë gënjyer? Kryeministri duhet të jepte dorëheqjen! Pse nuk shkoi të flasë me të vetët në Holandë? Ky (Rama) flet pa rregull fare”, deklaroi Ngjela.

“Ata kanë fakte kundër qeverisë sepse qeveria analizohet, jo populli shqiptar. Ai duhet të shkonte 10-15 ditë atje, nëse nuk i bindte dot, të kthehej e të jepte dorëheqjen”, shtoi Ngjela.

“Kryeministri shqiptar duhet të ngrinte çadrën para Parlamentit holandez për të bindur deputetët holandezë. Vendimin e ka marrë Parlamenti i Holandës që është hapur kundër qeverisë shqiptare. Sot edhe Moska e Beogradi po veprojnë kundër qeverisë shqiptare ndërkohë që kryeministri nuk ka punuar asgjë por vesh çitjane dhe shkon tek Erdogani”, shtoi Ngjela.