Rama fajëson mediat edhe për Beketin: Unë ruaj konfidencialitetin

Kryeministri Edi Rama ka bërë një deklaratë shumë të shkurtër për lajmin se Shqipëria ka humbur në Gjykatën e të Drejtave të Njeriut një çështje me biznesmenin italian Francesco Becchetti, pronarin e televizionit Agon Channel.

I pyetur në emisionin “Opinion” Rama tha se nuk mund të bëjë asnjë koment për këtë çështje dhe nuk harroi të fajësonte edhe për këtë mediat.

“Në arbitrazh ka një klauzolë konfidencialiteti që deri në mbarim të procesit, palët nuk shprehen. Ka një klauzolë konfindecialiteti që i obligon palët të mos shprehen pasi është gjykata që në përfundim të procesit do të shprehet. Për momentin kemi portalet”- tha Rama që nuk e mohoi se e di vendimin e marrë që në 24 prill, por që sipas tij nuk mund ta thotë.