Becchetti, qeveria dhe shqiptarët

Në një nga rrugët kryesore të Romës, Becchetti ka varur në mur një pankartë të madhe për t’i bërë me dije shqiptarëve se ka fituar përballë njeriut që ato e mbajnë si të pazëvendësueshëm. Një sfidë dhe ironi e madhe që mbi të gjitha u drejtohet qytetarëve që si pasojë e gjenerozitetit të madh të tyre vendosën që të sakrifikojnë nga jetët e tyre dhe nga kursimet e tyre për liderin e tyre Rama. Që me shumë mundësi edhe nëse përballet me faktet do t’i mohojë sërishmi, pasi ai e di mjaft mirë që populli beson atë përpara fakteve madje dhe kur ato janë përpara këmbëve të tyre.

Shqiptarët, pra ata që votuan me bindje Ramën pasi ishin të sigurtë se ai nuk gënjen apo se Rama është aq i zoti sa të shpëtojë pa u lagur do ta paguajnë gjithashtu faturën e kripur të Gjykatës së Arbitrazhit. Janë mbi 254 milionë euro që do t’i paguajmë një më një përmes taksave apo konfiskimit të aseteve tona publike jo vetëm Becchettit por edhe të tjerëve.