Lideri historik, Sali Berisha është pritur me entuziazëm dhe brohoritje mbështetëse nga demokratët.

Nga fjala e tij para selisë së PD, ish kryeministri falenderoi me përulësi plot 44 mijë demokratët, të cilët  vendosën me votën e tyre largimin e peng Bashës.

“Përshëndetje të përzemërt mbarë demokratëve shqiptarë, të cilët firmosën sot me 18 dhjetor, me një akt madhor, në një monument madhështor të lirisë së pluralizmit politik, referendumin e parë të thirrur nga anëtarësia e një force politike në historinë e Shqipërisë dhe më gjerë.

Përulem me nderimin më të madh para 44 mijë demokratëve, të cilët sot vendosën me votën e tyre largimin e peng Bashës. Jo Basha, por Brava ik, e Lul Bravës nga drejtimi përfundimtar i forcës politike.

Ky është ndëshkimi më i merituar që një person i padenjë për detyrë, që detyrën më të lartë të kreut të opozitës e shfrytëzon për pazare personale dhe trajton PD-në si pronë të tij, ky është votimi më i shkëlqyer që shkruan një kapitull të ri në historinë e revolucionit demokratik”, tha Berisha.