Nepsi në shtatzani

Dëshira për ushqime nga më të ndryshmet e të çuditshmet në shtatzani është shumë e zakontë dhe tërësisht normale. Arsyet e kësaj dëshire të madhe për ushqim janë dy: ndryshimi hormonal dhe stresi emocional që i shtyn nënat drejt të ngrënit.

Kur fillon nepsi

Nepsi në shtatzani mund të fillojë që në javët e para, në ndryshimet e para hormonale, por ato mund të vazhdojnë edhe më vonë e nuk janë konstante. Ka raste kur dëshira për një ushqim të caktuar ndryshon në varësi të orëve të ditës. Një gruaje shtatzënë mund t’i hahet një ushqim i caktuar në mëngjes dhe në mbrëmje mund të ketë dëshirë për diçka tërësisht ndryshe.

Nepsi dhe gjinia e fëmijës

Mendohet se kur nënat kanë dëshirë për ushqime të ëmbla ato janë duke pritur një vajzë dhe e kundërta kur dëshirojnë ushqime të kripura e të rënda, në barkun e tyre po rritet një djalë.

Nepsi dhe nishanet

Thuhet se kur tek nënat krijohen pika, njolla e nishane gjatë shtatzanisë, kjo lidhet me mungesën e një ushqimi të caktuar. Kështu, nëse tek nëna shfaqen shenja kafe, mendohet se ajo ka pasur mungesë të çokollatës, e nëse ka shenja të kuqe, mungesë të frutave si luleshtrydhe. Megjithatë, diçka e tillë nuk ka asnjë bazë shkencore.