Balla është përgjuar më shumë se 48 orë, gjykata urdhëroi të fshihet serveri në Prokurori

Lala: Balla është përgjuar më shumë se 48 orë, gjykata urdhëroi të fshihet serveri në Prokurori

Gazetarja Klodiana Lala deklaroi se Taulant Balla është mbajtur në përgjime për më shumë se 48 orë, teksa deklaroi se disa numra u përgjuan pas masakrës në Elbasan në vitin 2016.

E ftuar në Syri tv, Lala shtoi se drejtësia shqiptare është nën tutelën e politikës, pasi në rastin e Ballës gjykata urdhëroi të fshihet serveri në Prokurorinë e Përgjithshme.

“E reja në vendin tonë nuk është që është përgjuar një politikan. U përgjua një shtetas me emrin Taulant që sipas verifikimeve pas ngjarjes së 3 shkurtit 2013 ku u vranë tre persona ku shënjestër ishte familjar Çapja, prokuroria ka referuar një listë të gjatë me numra telefonash që duhet të viheshin në përgjim se mund të jepnin të dhëna me interes për hetimin.

Në mesin e këtyre numrave janë vënë dhe disa numra që pas masakrës kanë komunikuar me Ardian Çapjan. Mes numrave është dhe një numër me 339 në fund, nuk po e them të plotë për arsye etike. Ky numër në vendimin e gjykatës nuk rezulton të jetë identifikuar si Taulant Balla por thuhet se i përket një shtetasi me emrin Taulant.

Nuk ka të dhëna për këtë shtetas në vendim. Numri i përket zotit Balla, por Prokuroria që kishte në dorë ta identifikonte, nëse gjente fakte t’i drejtohej Kuvendit. Nuk është bërë asnjë verifikim i mëtejshëm.

Drejtësia shqiptare ëshë nën tutelën e politikës. Numri i Ballës u mbajt në përgjim për më shumë se 48 orë. Gjykata ka urdhëruar të fshihet serveri në Prokurorinë e Përgjithshme. Si mund të ndodhë kjo?”-tha Lala.