Presidenti rus Vladimir Putin ka nxitur gazetarët që të lexojnë më pak mediat amerikane.

Vërejtja erdhi gjatë një konference për shtyp në kryeqytetin e Kirgistanit, Bishkek, në përgjigje të një pyetjeje në lidhje me raportet se baza ajrore ruse Kant në Kirgistan ishte braktisur për shkak të konfliktit në Ukrainë.

“Mediat amerikane thonë se të gjitha pajisjet janë në Ukrainë dhe se baza Kant është e shkretë,” pohoi një gazetar i Izvestia në konferencën për shtyp.

Ai nuk specifikoi se cilat media amerikane kishin bërë pretendime të tilla.

“Ju po i lexoni më kot mediat amerikane”, i tha Putin gazetarit që kishte bërë pyetjen. “Së pari, ato shumë shpesh e shtrembërojnë të vërtetën. Mjafton të dëgjoni ish-presidentin e Shteteve të Bashkuara. Dëgjojeni atë, ai do t’ju japë një përshkrim të mirë të nivelit të tanishëm të zhvillimit të medias amerikane,” tha presidenti, duke iu referuar me sa duket Donald Trump dhe shtoi se mediat amerikane ‘do t’ju mësojnë gjëra të këqija’.

Putin këmbënguli se baza ushtarake Kant mbetet aktive dhe vazhdon të veprojë si një ‘faktor parandalues ​​për ekstremistët e ndryshëm’.

Ai shtoi se aty ka edhe një njësi të aviacionit aktiv që përfshin avionë luftarakë dhe helikopterë. “Ata janë në Kant, në detyrë dhe shërbim luftarak,” tha Putin.