Një dietë e varfër me kripë dhe e bazuar në ushqime bimore, duket se është mënyra më e mirë për të ulur tensionin. Po sikur të jeni duke ndjekur këtë rrugë dhe ende të mos e keni arritur tensionin 11/12-7/8? Janë disa ushqime në veçanti, të cilat mund t’ju ofrojnë më tepër mbrojtje.

Deri tani kemi trajtuar drithërat e papërpunuara dhe do vazhdojmë të japim detaje edhe për farat e linit, çajin hibiskus dhe perimet e pasura me nitrate. Vetëm farat e bluara të linit shkaktojnë një ulje të fuqishme të tensionit, më tepër se ç’është arritur ndonjëherë nga ndonjë ndërhyrje dietike. Vetëm disa lugë në ditë, duket se janë dy-tri herë më të efektshme se një program i plotë ushtrimesh aerobike për rritje rezistence. (Jo se nuk duhet t’i bëni të dyja. Fare mirë mund të përfshini edhe farat e linit në dietë, edhe të stërviteni.)

Konsumimi i perimeve, si të ziera ashtu edhe të paziera, lidhet me uljen e tensionit, por perimet e paziera mund të ofrojmë më tepër mbrojtje. Studimet kanë treguar se ngrënia e fasuleve, bizeleve, qiqrave dhe thjerrëzave, mund t’ju vijnë në ndihmë, kështu qështojini ato në listën e pazarit. Vera e kuqe mund t’ju ndihmojë, por vetëm ajo pa alkool, sepse vetëm ajo duket se e ul tensionin.

Një studim i bërë nga një prej kompanive tregtare të kivit, dështoi dhe nuk arriti të ofronte asnjë mbrojtje. Ndoshta industria e kivit duhet të marrë ndonjë këshillë nga bordi i marketingut të rrushit të thatë Kalifornian, i cili financoi një studim vetëm për të treguar se ky i fundit mund të ulë tensionin. Për të theksuar përfitimet e rrushit të thatë, ata përdorën si grup kontrolli ushqimet e dëmshme. Kështu, studimi zbuloi se rrushi i thatë mund të ulte tensionin, por vetëm nëse krahasohej me ëmbëlsirat dhe biskotat “Cheez-Its” dhe “Chips Ahoy”!