Pas shumë javëve pa veshur këpucë të vërteta, por vetëm atlete, duket se koha e sandaleve, më në fund ka ardhur. Madje, në këtë moment, duket veshja më praktike e mundshme.

Prakticiteti është edhe arsyeja e parë që do të kenë këtë verë thuajse të gjitha sandalet. Natyrisht, me këto stile, jo vetëm do ndihesh rehat, por edhe stylish.

Fundi i viteve ’90 dhe fillimi i viteve ‘2000 do t’ju sjellë një lloj nostalgjie, sepse këto trende vijnë pikërisht nga këto vite. Përfundimisht, është një rikthim në kohë — duke nisur që nga platformat, sandalet sportive, por edhe gladiatoret.

Platformat

Është një model që të gjithë e duan, sepse i përshtatet çdo lloj siluete. Plus, shkojnë me çdo lloj fustani, fundi apo edhe me xhinse.

Sandalet me lidhëse

Konsiderohen cool, sandalet me lidhëse mund të jenë një prej trendeve që do t’ju tërheqin vëmendjen, edhe nëse janë me taka apo të sheshta.

Sandalet sportive

Kush nuk i preferon një palë sportive? Ky lloj stili është rikthyer, por i pasur me printe dhe me shumë ngjyra.

Vitet ’70

Fare të lehta në përdorim, thuajse si shapka, edhe ky model këtë verë do të jetë dominues. Elegancën, të gjitha ne e duam apo jo?

Sandalet ‘me një gisht’

Stili i fillimviteve 2000 është rikthyer dhe, nëse mbani mend dizajnerin e atyre viteve, me siguri në këto modele do të gjeni edhe sandalet tuaja të preferuara.

Gjithçka natyrale

Janë ato lloj sandalesh të cilat kanë në përbërje të tyre gjithçka natyrale, duke nisur që nga materiali, tekstilet dhe çdo aksesor tjetër të shtuar. Janë tipike për verën.