Vlerat ushqyese të fasules të kuqe dhe një recetë gatimi

Përshtati: Elena Beta

Fasulet janë të pasura me kalium dhe magnez, gjithashtu ndihmojnë për të mbajtur tensionin e gjakut nën kontroll. Fasulet e kuqe janë me përmbajtje të lartë fibrash duke ndihmuar në uljen e kolesterolit të keq dhe luftimin e sëmundjeve të zemrës. Ato janë gjithashtu të pasura me proteina dhe hekur, duke u bërë zëvendësuese të mishit për vegjetarianët.

“Duke qenë se fasulja e kuqe ka ngjashmëri me disa prej organeve të trupit të njeriut, ngjyra e kuqe është tregues i përqendrimit të lartë të antioksidantëve që luftojnë shumë sëmundje”, thotë dr. Janet Bond Brill.

Si mund t’i hamë: Fasulet e kuqe janë të përsosura për t’u përdorur në sallatë, sanduiçe ose salca

Sasia që duhet të konsumojmë: ½ filxhan (të gatuara)

• Kaloritë që përmbajnë: 112 kalori

Vlerat ushqyese:

• Kolesterol: 0 mg
• Natrium: 854 mg
• Karbohidrate: 33 g
• Fibër diete: 9 g
• Sheqerna: 9 g
• Proteina: 12 g

Dieta e doktor Janet për vegjetarianët

Përbërësit për 10 pjata

• 2 speca jeshilë për mbushje, të copëtuar
• 1 filxhan me qepë të copëtuar
• 3 thelpinj hudhër të grirë
• 1 lugë gjelle vaj ulliri
• 1 konservë me fasule të zeza (ua kemi hequr ujin)
• 1 konservë me fasule të kuqe (ua kemi hequr ujin)
• 1 filxhan salcë (të mesme ose të nxehtë, në varësi të preferencës)
• 2 kanaçe me domate të copëtuara
• 1 filxhan me misër të ngrirë
• 1 kanaçe me speca jeshilë të copëtuar
• 1/4 lugë e vogël piper i kuq pluhur

Përgatitja

• Në një tenxhere të madhe hedhim specat jeshilë, qepën, hudhrën dhe vajin e ullirit dhe e vëmë me zjarr të mesëm për rreth 5 minuta.
• Shtojmë të gjithë përbërësit e mbetur dhe i lëmë të ziejnë. Ulim temperaturën, i mbulojmë dhe i lëmë të ziejnë për rreth 30 minuta, duke i përzier herë pas here. Hiqini nga zjarri dhe mund t’i shërbeni me oriz kafe.

Mund t’i shoqëroni edhe me patatina.