Sot në Vlorë është zhvilluar një protestë e thirrur nga shoqëria civile për të kundërshtuar zbatimin e projektit të rikonstruksionit pranë Sheshit të Flamurit.

Përfaqësues të shoqërisë civile kanë deklaruar se qeveria ka ndërtuar godina të reja, të cilat kanë zbehur vlerën historike që mban ky shesh. Projekti në fjalë parashikon ndërtimin e terminalit të autobusëve.

“Mos lejoni të na shkatërrojnë historitë”, kanë thënë protestuesit, teksa shprehen se ndërtimet zhdukën një nga simbolet e historisë së qytetit, 4 Topat. Ata kanë shtuar se nuk do të lejojnë ndërtimin e terminalit duke kërkuar që përgjegjësi për faturën e shpenzimeve.

Kryeministri Edi Rama akuzoi dje opozitën për reagimin e vonjatëve, duke shkruar në Twitter: “Më thonë qenkan revoltuar foltorexhinjtë e Vlorës se dashkan transparencë për projektin e Sheshit të Flamurit! U duket kolonata si stacion autobuzësh e duan shembjen e hotelit të tyre fantazëm, që arkitekti i famshëm belg e kthen në qendrën më të madhe social-kulturore të vendit! Nuk u ve faj se as nuk dinë as nuk bëjnë dot gjë tjetër përveç përshesheve me baltë, po Sheshi i Flamurit do të jetë një tjetër spektakël urban në Vlorën e Rilindur, që mezi pres ta shoh të realizuar megjithë qendrën social-kulturore, e cila do t’i japë Vlorës një përmasë të re!”.