Kritike
Nusja e Librazhdit dhe lakuriqi i Surrelit
Titulli nga Podiumi.com
Mentor Kikia
Thuajse në të gjitha TV-të flitet për historinë e nuses së Librazhdit dhe dashnorit të saj.
Prej tre ditësh u ça rrjeti, audinecë maksimale.
Kane folur vjehrri, vjehrra, komshinjte, dhenderri, por analistet akoma jo.
Kush kishte të drejtë, nusja që ishte vetëm në shtëpi, apo burri që e la vetëm dhe iku të punojë?
Mendim i qytetarëve do të jetë i domosdoshëm për të zgjidhur dilemën.
Po sikur të flisnim për uljen e mesatares për studentët që duan të bëhen mësues? Problem i madh, s’ka mësues në këtë vend, ka rënë cilësia e shkollës, ndaj dalin njerëzit injorantë.
Ça shkolle more, kujt i palasi për mësuesit!
Po sikur të flasim për këto tatimet e reja? Po fermerët që prodhojnë, qeveria nxjerr fotot me koshat me qershi, por ata s’kanë ku ti shesin? Edhe kjo interesante është.
Po për koncensionet në shëndetësi, në rrugë, për investimet strategjike?
Po për mjedisin? Ngrohja globale, ka ndryshuar planetin, janë çorientuar stinët, po pakësohet uji…
Ehu, kujt i bie ndërmend për këto idjotsira. Nuk na shikon njeri me këto tema.
Lloqe ore lloqe, duan lloqe dhe sherr njerëzit për darkë.
“Shpërthen analisti filan – thoshte një portal sot- në shtator Berisha do bëjë një gjë që do na lerë pamend”.
Ec e prit shtatorin tani të marrësh vesh ça do bëjë Berisha, pasi ai nuk e ka treguar. Dreq o punë.
