Kioske
Berisha e ka përdorur fjalën ” Faleminderit ” 100 herë, por disa e duan 500 …
Koment nga Podiumi.com
Foltoret ishin gjëja më fantastike e vitit .
Kurrë më parë njerëzit nuk ishin shprehur aq lirshëm, dhe aq me sinqeritet.
Shpesh dëgjoje zëra nga publiku që të impresiononin 100 herë më shumë se politikanët që na zënë ekranet e TV-ve.
Modestia dhe përulësia e Berishës ishte një gjë që binte në sy, sjellje prej burri të madh, sjellje që nuk gjendet lehtë në arat e politikës shqiptare.
Shumë shpesh e keni dëgjuar fjalën ” faleminderit ” dhe ” mirënjohje ” nga goja e liderit historik.
Kjo, është padyshim shenjë e madhështisë dhe e burrërisë së tij.
Berisha si asnjë politikan tjetër, ka një cilësi që nuk ia mohon dot as kundërshtari i tij më i egër politik, Berisha mban fjalën dhe nuk i harron njerëzit që e kanë mbështetur.
Por diçka nuk më ka pëlqyer gjatë kësaj kohe, dhe dua ta them…
Nuk më ka pëlqyer dëshira e nxituar e disave për mirënjohje, apo për merita, si mbështetës të parë të foltores apo Berishës.
Mburrje fëminore të tipit, unë isha i pari, unë isha i dyti, lënë shije të keqe.
Padyshim të parët kanë merita, por meritat zhbëhen nëse ti futesh në pritshmëri dhe i përmend ato në çdo rast.
Berisha nuk i ka borxh askujt, ne i kemi borxh atij,sepse ndërmori një nismë të jashtëzakonshme në një moment të jashtëzakonshëm. Në një moment kur vendi mbeti pa opozitë.
Mirënjohje për të parët, të dytët dhe të 44 mijtët që shpëtuan edhe njëherë pluralizmin në Shqiperi, por burrëria, dhe atdhedashuria, e kërkon që të mos e përmendim një të mirë që e kemi bërë.
