Miliarderi liberal George Soros është i lidhur me të paktën 253 organizata mediatike në mbarë botën, sipas një studimi të ri të kryer nga MRC Business, shkruan rrjeti amerikan, Fox News.

Sipas një studimi të publikuar nga Qendra për Kërkime Mediatike, MRC është arritur në konkluzionet se Soros ka arritur të krijojë këtë rrjet të frikshëm duke përdorur bamirësinë që të ndërtojë marrëdhënie me mediat dhe organizatat mediatike.

“Grupet e gazetarisë që mbështet Soros kanë aftësinë të formojnë opinionin publik praktikisht në çdo kontinent dhe në shumë gjuhë. Ata gjithashtu e izolojnë atë nga hetimi sepse gazetarët e shohin atë si një aleat, jo një objektiv për hetim,” thuhet në studim.

“Përpjekjet miliona dollarëshe të filantropit 92-vjeçar për të promovuar axhendën e tij të çuditshme të ‘shoqërisë së hapur’ përfshijnë disa nga idetë më radikale të majta mbi abortin, ekonominë marksiste, anti-amerikanizmin, heqjen e fondeve të policisë, ekstremizmin mjedisor dhe fanatizmin LGBT,” thuhet në studim.

“Në Shtetet e Bashkuara, Soros është i njohur për përfshirjen e tij masive në mbështetje të politikave dhe politikanëve liberalë. Që nga zgjedhjet e vitit 2016, ai ka shpenzuar të paktën 200 milionë dollarë për të mbështetur kandidatët politikë, që përfshin 29 milionë dollarë për prokurorët vendas dhe prokurorët e qarkut.”

Shumë prej mediave që Soros ndihmon në financimin e tyre mbështeten nga Big Tech dhe gazetarë të tjerë si burime informacioni, ndërsa të tjera thjesht i bëjnë jehonë pikave të bisedimeve të krahut të majtë.