Lidhu me ne

Kioske

Doktor Adhamudhit nuk i ka mbetur se çfarë të krrejë që të shpëtojë veten

Nga Respublica.al

“Tjetër non-grata?”/ Rama: Do ta merrni vesh shumë

Kryeministri Edi Rama është shfaqur sot në Kuvendin e Shqipërisë për t’iu përgjigjur kërkesës për mocion me debat nga opozita lidhur me çështjen McGonigal.

Siç mund të merret me mend, z. Rama i ka ikur përgjigjeve për pyetjet reale për natyrën e njohjes me ish-zyrtarin e lartë të FBI-së në Neë York, marrëdhënien e tij me të dhe lidhjen eventuale mes fakteve në akuzë të pagesave për lobim dhe dijenisë së tij mbi këtë çështje.

Por përmbi të gjitha, z. Rama bëri një parashtresë moralizuese përmes së cilës vuri në kandar llojin e politikës që ndiqet aktualisht në Shqipëri, të cilën e sheh të deformuar, të pistë, të gjymtuar etikisht dhe për të cilën u zotua se do të ndërmarrë të gjitha veprimet për ta kuruar nga ai që e quajti “virus”.

Vjen pra dita mbi këtë tokë dhe Edi Rama flet në cilësinë e Doktor Adhamudhit për kura finale. Për kurën e shpirtit, të ligjërimit, të kuptimit dhe perceptimit të gjërave që si një guru i mirë i sheh si patologji fillimisht te vetja.

Mesa duket shoku dhe beniamini i Tom Doshit, Elvis Roshit, grupit të Lezhës, mentori i Taulant Ballës dhe ustai i Belinda Ballukut, eprori i Damian Gjiknurit dhe i të gjithë skotës nën hetim, nën përgjim, me dosje të hapura e të shpartalluara, po përjeton një etapë të re personale. Kush ka parë serialin “The Last of us” e di sesi në uverturën e tij kemi një shpjegim për atë se çafrë bën një kërpudhë, e cila teksa në formë mykotike depërton në sistemin qarkullues të një gjallese, nis dhe e përmbyt atë me hallucinogjenë për t’i marrë kontrollin.

Spërklat e para të korruptimit moral të përhapura nga ky individ i trembur për vdekje nga çdo ditë e re që lind, tashmë janë bërë përrua i rrëmbyeshëm I paturpësisë së dikujt që e di shumë mirë se asgjë nuk mund të korrigjohet më, as të kthehet pas, por vetëm të nekrotizohet në mëyrë kapilare për të amputuar çdo lloj degëzimi të ri. Është e qartë se ky njeri është sëmurë edhe vetë, rëndë madje, se nuk arrin dot më të ndërtojë një horizont të ri logjik për veten, por ditë e natë, ka në krah vetëm një grup bashkëpunëtorësh në kulla dhe porte dhe përballë një gërmadhë opozitare të cilën e sheh si truallin e vetëm që nuk duhet legalizuar.

Zoti Rama harron se mbarë vendi e njeh si Edi Rama, dikush që ka duart prej më shumë se dy dekada të zëna me buxhetin e shtetit, se historia e tij si zyrtar dhe I zgjedhur është botërisht e njohur përmbi çdo lloj kat’harsisi formal, ndjese apo gjoja kthese.

Është faktkeqësia e këtij vendi, e kësaj shoqërie që flamën e ka të gjatë, molën e ngrehinës së vet e ka epidemike, koloni të pashtershme dhe që e liga që vjen dhe manifestohet si një hile, dredhi e përjetshme nuk lë gjë të dalë në sipërfaqe. I pari vetë z. Rama, që sot pretendoi se do të na bëjë një kthesë për të kuruar virusin e politikës, kishte mundësinë e artë që të bindtte këdo se e ka seriozisht pendesën duke thënë të vërtetën për çështjen McGonigal. Të vërtetën e tij, atë që di ai, siç e di ai. Në të kundërt, z. Rama zgjodhi demagogjinë, gënjeshtrën, dredhinë, para se të rrëfehej, ai bëri avokatin e vetes me nuhatjen se ndoshta kjo çështje mediatikisht dhe publikisht nuk e afekton më edhe aq sa më parë. Ky na qenka Lideri i madh i shqiptarëve?

Në aferën e inceneratorëve z. Rama qëndroi 10 orë në komision parlamentar, duke iu përgjigjur çdo pyetjeje, sepse jo vetëm ndihej i pastër, apo dinte të mbrohej, por edhe deklaroi se nuk do të mbronte askënd që ishte përfshirë në të. Sot pas një elegjie për politikën e sëmurë, iku. Shkau drejt punëve që e presin dhe Shqipërisë që është e uritur për zhvillimin e sjellë prej tij.

Do të ishin të gjithë seriozë me atë që z. Rama thotë, nëse aty do të mund të shquhej sadopak serioziteti dhe regëtima sado e vdekur e një drite mirësie personale dhe njerëzore, e për rrjedhojë edhe politike e dikujt që po abzuon me besimin që I është dhënë dhe që mandej ka ditur ta manipulojë, si pakkush në këtë vend. Por nuk mund të jesh serioz dhe të mirëkuptosh dikë që pasi u fsheh me muaj, shfrytëzon karrigen për të deklaruar se nuk i jep kujt llogari.

Sigurisht që kjo nuk e cenon votën ndaj tij, sepse ky njeri një gjë të mirë e solli: na bëri të kuptojmë se vota nuk relatohet përherë me demokracinë, as me progresin, por edhe me stanjacionin, regresin dhe kriminalizimin. Se vota nuk është e drejtë e ushtruar, por një mekanizëm i kompromentuar rëndë kur ai që e kërkon ka vetëm një projekt: të parazitojë, të thithë e të thithë paranë publike, ekonominë e një vendi si një këpushë, duke përmbysur kontratën sociale në ligj xhungle.

MË TEPËR

Mix4 orë më herët

5 rregullat e panegociueshme që Madonna u ka vënë fëmijëve

Madonna ka zbuluar sekretin e suksesit të saj si nënë në rritjen e fëmijëve. Ata kanë lirinë e tyre, por...

Radar4 orë më herët

Denoncimi i Hysenbelliut: Rama më kërkoi të shisja News24, nuk pranova, tani po hakmerret

Denoncimi i Hysenbelliut: Rama më kërkoi të shisja News24, nuk pranova, tani po hakmerret Denoncimi i Hasenbelliut: Rama më kërkoi...

Mix5 orë më herët

Hasbulla provon çizmet e famshme “Super Mario”

Kur maska e njohur e modës, MSCHF, nxorri në shitje një palë çizme të kuqe me detaje stilistike ekstravagante, të frymëzuara...

Mix5 orë më herët

Dieta që na ndihmon të forcojmë kockat

Flitet shpesh për osteoporozën, e cila është një sëmundje tinëzare, përgjegjëse për fraktura të cilat në pleqëri mund të jenë...

Mix5 orë më herët

E dehur, Olta puth në buzë Dean dhe shan Luizin

Mbrëmjen e djeshme, pas përfundimit të spektaklit banorët e BBV kërcyen e u kënaqën nën muzikën e DJ PM dhe...

Mix5 orë më herët

5 përfitimet shëndetësore të Agjërimit

Me ardhjen e muajit të Ramazanit, bota islame po përgatitet për agjërim. Agjërimi, i cili është një adhurim shumë i...

Mix5 orë më herët

Cilat janë 5 arsyet që nuk po humbisni peshë ?!

Humbja e peshës mund të jetë sfiduese. Mund të duket sikur keni provuar çdo dietë apo truk të të ngrënit...

Mix6 orë më herët

Çfarë është Nevruzi, tradita e lashtë 3 mijë vjeçare, dhe cilat janë 7 ushqimet që duhet të konsumoni?

Alaa Al-Marjani/Reuters Nowruz – No-Ruz ose Farsi për “ditën e re” – është një festë e lashtë që kremton ditën...

Mix6 orë më herët

Bill Gates: Inteligjenca Artificiale, përparimi më i madh i njerëzimit në dekada

Në një postim, Bill Gates iu referua inteligjencës artificiale, duke theksuar se ajo është përparimi më i rëndësishëm teknologjik i njerëzimit në dekada,...

Radar6 orë më herët

Rama përdor strategji perverse për të goditur, pasojat do jenë të tmerrshme

Cukali: Kryeministri përdor strategji perverse për të goditur, pasojat do jenë të tmerrshme Kreu i Këshillit Shqiptar të Medias, Koloreto...

Facebook