Lidhu me ne

Kioske

Ilir Meta si alibi / Pse janë më anti-Metë se Rama “Aliebeaj & Co”

Pse janë më anti-Metë se Rama “Aliebeaj & Co”

Alfred Lela

Në stonaturën e përgjithshme që krijon në publik ‘grupimi Alibeaj’, një qëndrim politik kërcet më shumë se të tjerët. Aversioni apo padurimi që ata deklarojnë për Partinë e Lirisë dhe Ilir Metën. Ky qëndrim, që niset për të krijuar etikë dhe moralitet, kthehet kundër vetes duke dëshmuar një kolaps, sa etik aq dhe politik. Në planin etik, të njëjtët personazhe e kanë pranuar, pa bërë zë dhe as dhënë dorëheqje, koalicionin e Partisë Demokratike me PL (asohere LSI), vite më parë. Pra, nuk kanë pse përbuzin një gjë që u ka shijuar dikur.

Në planin politik, duket sikur nuk kanë agjendë fitoren, dhe nuk bëjnë ç’është e mundur për të mposhtur Ramën, duke u tubuar edhe ata “me të gjitha qelbësirat”, siç bëri Rama vetë në 2013, kur lëpiu gjithë të pështyrat për Metën.

Në planin e komunikimit, ata harrojnë ose bëjnë sikur, se gjuha e tyre përputhet me të Ramës. Nëse e shmangim me gjithsejt akuzën e Berishës dhe të medias, se pozicioni i Aliebaj & Co vjen për faktin se janë vegla në duar të Ramës, çka nënkupton një ujdi finaciare, mjafton njëjtësimi i gjuhës politike me kryeministrin për t’i kualifikuar ashtu.

Kushdo që rimerr një prej blloqeve kryesore të komunikimit të kundërshtarit politik, edhe nëse nuk është i lidhur me të, i kryen një shërbim. Nëse nuk paguhet, aq më keq: I bie që të jetë debil politik.

Madje, për të qenë të saktë, Alibeaj & Co. rimarrin dy blloqet kryesore të komunikimit politik të Ramës. Përveç anatemës për Metën, nuk e heqin nga goja as pengesën që u jep Berisha për të qenë “opozita e vërtetë” me statusin non grata. Pra, ua hedhin të huajve fajin që ata vetë tingëllojnë si Rama, sepse as nuk thonë dot se Berisha e meriton non gratën, por përsërisin “e dinë amerikanët”. Ja, edhe një moment tjetër merhumësie politike. Në politikë kur mban qëndrime dhe mezi bie në sy; ata që komunikojnë gjysma-gjela pikëpamjesh pikasen për anti-politikë: si mbledhës indulgjencash të vogla.

Në terma më të shkoqur, kjo gjuhë dhe veprim i lë pa identitet. Nëse qeveria e mbulon mungesën e identitetit pikërisht me një fushatë permanente negative anti-Berishë dhe anti-Metë, skena politike nuk ka nevojë për një shtesë në katin e kësaj përsëritjeje, dhe as për një indentitet tjetër të munguar. Kush përdor të njëjtat mjete është një slitë qeveritare që sheshon me gjuhë që del nga goja e ‘opozitës’.

Edhe përpjekja për të krijuar apo imagjinuar një ndryshim nga PD e Berishës, nuk se ka çelur kokrra. Pa fushatë, pa kandidatë, pa protesta anti-qeveritare dhe pa njerëz, Alibeaj & Co i ngjan një OJQ që, për të marrë fonde nga donatorët e huaj bën sikur rri në mes dhe kritikon, si qeverinë edhe opozitën.

Ata që votojnë më 14 maj duhet ta kenë parasysh këtë. Nëse në Shqipëri, jo rrallë zgjedhjet kanë qenë mes së keqes më të vogël dhe më të madhes, këtë herë kanë edhe vibratorin pa bateri të një surprize. Në lista do të jetë një grup kollovarësh politikë që bën si Partia Demokratike, por nuk është asgjë. E shumta që mund të mbahet mend: disa rozadobë që pastrojnë haurët e qeverisë.   

MË TEPËR

Radar6 orë më herët

Bushati: Në Sazan s’ka investim, por lobim kërmash politike

Gazetari Andi Bushati e cilësoi si një lobim kërmash politike, atë që thuhet se do të ndodhë me ishullin e...

Mix7 orë më herët

Dhimbjet e lindjes, cila pjesë e trupit dhemb?

per nenat Së shpejti do të lind fëmijën tim të parë dhe nuk kam asnjë ide sesi janë dhimbjet e...

Mix7 orë më herët

Shenjat e lindjes, si ta kuptojme kur ky moment po afron?

Sigurisht që asnjë histori lindje nuk është e njëjtë, duke qënë se edhe gratë janë të ndryshme nga njëra-tjetra. Shumë...

Mix7 orë më herët

Operacioni Cezarian me dëshirën e nënës, çfarë duhet të dimë

Shumë prej jush mund të kenë dëgjuar për nënat që kanë zgjedhur të futen në një operacion cezarian për një...

Mix7 orë më herët

Ky faktor rrit në mënyrë drastike shancet për migrenë

Studiuesit nga Shkolla e Shëndetit Publik Johns Hopkins Bloomberg dhe Instituti Kombëtar i Shëndetit në Maryland kanë zbuluar dy faktorë...

Radar7 orë më herët

Saimir Kodra padit Egla Cenon

Saimir Kodra Moderatori i emisionit investigativ “Stop” ka paditur penalisht aktoren Egla Ceno, aktualisht banore e Big Brother Vip Albania...

Kryesore15 orë më herët

Kush po i godet njerëzit e Belinda Ballukut?

SPAK nis hetimet ndaj drejtorit të Tatimeve, Ceno Klosi. Prokuroria e Posaçme ka konfirmuar se ka nisur hetimet ndaj kreut...

Mix15 orë më herët

Mendimet e vërteta të një burri për celulitin dhe strijat

Celuliti, kompleksi më i madh (dhe i gabuar) për shumicën e vajzave dhe grave! Rreth 80-90% e grave besohet se...

Mix15 orë më herët

Seksi dhe ushqimi: Si t’i bësh bashkë për performancë më të mirë

PINTEREST Seksi dhe ushqimi janë më shumë të lidhur seç mund të mendoni. Arsyeja është e thjeshtë, një dietë e...

Mix15 orë më herët

5 leksione nga Halle Berry për gratë dhe menopauzën

Nëse edhe ju jeni një nga gratë që po përjetojnë periudhën e menopauzës, pa e kuptuar realisht se çfarë i...

Facebook