Dieta e Victoria Beckham tashmë është legjendare: Ajo thuhet se konsumon  vetëm me perime të ziera në avull. Ndonëse e vërteta mund të mos jetë saktësisht kështu, linjat e këngëtares së kthyer në stiliste tregojnë se ajo ndjek vërtet një regjim tejet të rreptë, edhe pse ne ditëlindjen e saj bëri një përjashtim të vogël dhe hëngri një fetë torte. 

Victoria e ruan “siluetën e saj zero” me një dietë drastike, por edhe me një program të rreptë fitnesi. Ylli zbuloi për fansat e saj në Instagram se aktualisht po kalon një periudhë ku dëshiron të jetë më e fortë dhe po punon për masën muskulore. 

“Bëj çdo ditë seanca fitnesi, të cilat i ndryshoj për të punuar në pjesë të ndryshme të trupit. Sot po bëj ushtrime të forcës në pjesën e sipërme të trupit të kombinuara me disa ushtrime rezistence”, u tha ajo fansave. Për të pasur energji,  Victoria konsumon një shake proteinash me bazë hirrën, së bashku me një banane dhe një grusht bishtajoresh. Edhe pse ndjekësit janë shprehur të shqetësuar nga pamja e saj e thonë se është dobësuar shumë, ajo vetë duket e kënaqur.  

Stilistja, që sapo mbushi 49 vjec po merr masa kundër plakjes dhe së fundi zbuloi se kishte bërë një trajtim të lëkurës me lazer që i kushtoi rreth 2000 euro. Victoria foli për trajtimin e saj jo-kirurgjikal me një mjek estetist të famshëm në një video të postuar në rrjetet sociale, ku ai e siguroi e ajo “nuk do të plaket”.