Kush thotë se Selena Gomez nuk di të flirtoj? Aktorja dhe këngëtarja këtë herë u përpoq të shënonte disa gola në jetën e saj sentimentale duke tërhequr vëmendjen e disa futbollistëve.

“Unë jam beqare,” bërtet Selena në një video që ka publikuar në Instagram duke shtuar: “Thjesht më pëlqen pak vëmendja, por do të të dua shumë”.

Në sektorin e komenteve, fansat shkruajtën se nuk mund të besonin që atletët nuk ishin tërhequr nga ‘thirrjet’ e Selenës.

“A mund ta imagjinoni të luani futboll duke dëgjuar Selena Gomez duke ju thënë këtë, ëndrra ime absolute,” shkroi një përdorues, ndërsa një tjetër shtoi, “Nuk mund ta besoj se këta burra nuk e kuptuan se ishte Selena Gomez dora vetë, unë do të kisha vrapuar.”

Sakaq, Selena me atë rast zbuloi edhe statusin e saj gati tre muaj pasi përdoruesit e mediave sociale spekuluan se ajo dhe Zayn Malik shijuan një darkë në New York, megjithëse asnjë foto e çiftit së bashku nuk u publikuan kurrë. Pati gjithashtu spekulime për lidhje mes Selenës dhe Drew Taggart të The Chainsmokers në janar, përpara se të shkruante në Instagram, “Më pëlqen shumë të jem vetëm” së bashku me hashtag #iamsingle. Në fakt, ajo është ende në kërkim të personit të duhur pas ndarjes së saj nga Justin Bieber dhe The Weeknd vite më parë. Në mars, Selena publikoi një video në TikTok që thoshte: “E urrej kur vajzat thonë: “O zot, i dashuri im as që e di që unë ekzistoj”. Vajza, i dashuri im as që ekziston!”

Por kjo nuk do të thotë se ajo është dorëzuar, pasi kishte shkruar asokohe: “Ende këtu e kërkojmë atë lol.”