Ky trajtim kërkohet zakonisht kur më pak se 15 për qind e veshkave nuk funksionon.

Hemodializa është një trajtim që kryen punën e veshkave kur ndalojnë ato nuk funksionojnë siç duhet. Gjatë hemodializës, një pajisje heq nga gjaku juaj kripën, ujin dhe produktet që nuk duhen.

Trajtimi mund të ndihmojë në kontrollin e presionit të gjakut dhe niveleve të bilancit të vitaminave dhe mineraleve në trup.

Hemodializa përdoret tek njerëzit të cilët janë në fazën e fundit të sëmundjes kronike të veshkave. Përdoret gjithashtu edhe tek njerëzit që vuajnë nga dëmtime akute të veshkave.

Probleme të tilla shëndetësore si diabeti, presioni i lartë i gjakut, ciste të veshkave, inflamacion i veshkave dhe sëmundje të tjera mund të çojnë në mosfunksionimin e veshkave.

Procedura e Hemodializës

Hemodializa kryhet zakonisht në spital, por edhe në shtëpi. Dy gjilpëra futen në krahun tuaj dhe secili është i lidhur me një tub plastik fleksibël që lidhet me një dialyzer (një filtër që pastron gjakun tuaj).

Dializuesi merr gjakun tuaj nëpërmjet një tubi. Kjo lejon që lëngjet dhe mbetjet shtesë të kalojnë nga gjaku juaj në një lëng pastrimi. Gjaku i filtruar pastaj kthehet në trupin tuaj nëpërmjet një tubi të dytë.

Ju mund të uleni në një karrige dhe të shikoni televizor, lexoni, ose të jeni në gjumë gjatë marrjes së hemodializës.
Shumica e njerëzve kanë rreth tre trajtime në javë, prej të cilave merr rreth tre deri në katër orë.

Por mund të kryhet dializa edhe në shtëpi. Nëse merrni hemodializë në shtëpi, mund të keni trajtime më të shkurtra dhe mund ta bëni terapinë kur jeni duke fjetur.

Dializa në shtëpi kryhet zakonisht gjashtë deri në shtatë ditë në javë për dy deri në tre orë në të njëjtën kohë. Një infermiere do t’ju mësojë se si ta bëni dializën tuaj në shtëpi.

Disa studime kanë treguar se dializa në shtëpi rezulton në një cilësi më të mirë të jetës dhe më pak efekte të padëshiruara anësore.

Para Hemodializës

Para çdo trajtimi të dializës, mjeku mund të kontrollojë peshën tuaj, presionin e gjakut, pulsin dhe temperaturën.

Pas Hemodializës

Mjeku mund të kontrollojë sërish peshën tuaj. Ndoshta do të keni nevojë për teste të gjakut shpesh për të parë se sa mirë është trajtimi. Qëndroni në kontakt me mjekun për gjithçka që duhet të konsultoheni dhe t’i tregoni për ndonjë efekt anësor.

Gjatë ose pas trajtimit, mund të përjetoni ndonjë nga simptomat e mëposhtme:

• Dhimbje muskulore;

• Dhimbje koke, nauze, ose marramendje;

• Presion të ulët të gjakut;

• Presion të lartë të gjakut;

• Kruarje;

• Gjumi i turbullt;

• Anemia (numërimi i ulët i qelizave të kuqe të gjakut);

• Sëmundjet e kockave;

• Mbingarkesa me lëngje (shumë lëngje në gjak);

• Inflamacion i membranës rreth zemrës;

• Rrahje zemre e parregullt (aritmi);

• Nivelet e larta të kaliumit;

• Depresion;

• Amiloidoza (proteinat në gjak depozitohen në nyje dhe tendina);

• Lodhje.

Ushqimi i hemodializës

Mjeku do t’ju tregojë që të ndiqni një dietë të veçantë gjatë marrjes së dializës. Shumica e njerëzve janë të këshilluar që të hanë më shumë proteina dhe të kufizojnë konsumin e kaliumit, natriumit, fosforit dhe lëngjeve.