Mix
12 mënyra për të rritur një fëmijë me vetëbesim
- Lereni të provojë veten që në mosha të hershme
Qëndroni pranë për të ndihmuar vetëm kur ai vërtet ka nevojë. Paralajmërimet tuaja ankthioze që tregojnë se jeni të shqetësuar kur ai është duke u ngjitur diku me vështirësi mund t’ju bëjnë juve të ndjeheni më mirë, ose mund të bëjnë prindërit e tjerë në park të mendojnë se ju jeni një prind i kujdesshëm, por ato nuk e ndihmojnë fëmijën tuaj. Në fakt, ato ia ngadalësojnë zhvillimin
- Ndihmojeni të ketë besim në vete duke menaxhuar sfida me anë të mbështetjes suaj
Paraqitjani fëmijës suaj me hapa një sfidë apo aktivitet të ri. Ju mund t’i tregoni asaj se ju jeni aty për çdo ndihmë që mund t’i nevojitet për të kaluar nga një hap në tjetrin.
- Mos e testoni
Nëse doni t’i mësoni diçka fëmijës suaj, mos ia mësoni duke i bërë pyetje sepse për fëmijën çdo pyetje që ai nuk arrin dot të përgjigjet është një dështim. Nuk ka arsye të testoni fëmijët, mjafton tua tregoni praktikisht një aftësi ose të krijoni situata ku ata të zbulojnë vetë njohuri.
- Vlerësoni më shumë emocionet e suksesit të fëmijës suaj sesa performancën
Kur ne vemë theksin më të madh në arritjet e fëmijës, ata ndjehen në trysni vlerësimi dhe shpesh shqetësohen aq shumë për performancën sa refuzojnë të provojnë gjëra të reja.
- Përgëzoni përpjekjet, jo rezultatet
Është me rëndësi që fëmijës suaj të mos i kufizohet vetja në nota dhe çertefikata. Ajo duhet të kuptojë se nëse vazhdon të përpiqesh, të ushtrohesh dhe të përmirësohesh, puna e kryer gjithmonë shpërblehet.
- Inkurajoni gabimet
Fëmijët që rriten me idenë se ka vetëm një rrugë për t’i bërë gjërat mirë, zakonisht bëhen të rritur me më pak iniciativa dhe kreativitet.
- Mos krijoni situata ku ai është i destinuar të dështojë
T’i shpëtosh nga situatat ku mund të dështojnë mund t’i privojë ata nga nxjerrja e mësimeve, por nga ana tjetër kur ju qëndroni aty dhe shikoni si dështon fëmija juaj i krijon atij idenë se ju nuk e doni. Në një dilemë të tillë, mënyra si jepet ndihma është zgjidhja. Qëndroni aty duke ndihmuar strukturën e zgjidhjes së problemit, por jo duke marrë përsipër totalisht zgjidhjen e problemit të fëmijës suaj.
- Edukoni vetëkurajimin
Studimet tregojnë se fëmijët që i flasin vetes duke i dhënë zemër vetes gjatë sfidave të vështira, e menaxhojnë me më shumë qetësi situatën.
- Modeloni mendimet pozitive
Nëse ju vjen në mendje diçka negative për veten tuaj në një situatë të caktuar, mos e thoni me zë të lartë. Nëse ju shani veten kur gjendeni në gabim ( Sa budallaqe u tregova!), fëmija juaj do i flasë në po të njëjtën mënyrë vetes së tij.
- Menaxhoni situatat frustruese
Ka një filozofi edukimi që fëmijët mësojnë më mirë me doza të arsyeshme frustrimi. Kjo është e vërtetë, por duhet të jemi të kujdesshëm për të kuptuar cila është doza e arsyeshme e frustrimit. Nëse fëmija më shumë po dështon sesa po arrin sukses nga ajo dozë frustrimi, duhet ulur doza.
- Përforconi aftësinë e fëmijës suaj për të kontribuar në botë
Sado gjëra të pavlefshme mund t’ju duken veprimet apo idetë e fëmijës suaj, minimizoni dhënjen e mesazhit se veprimet e tij nuk vlejnë.
- Mbështesni përgjegjësinë, gjykimin e mirë, optimizmin dhe të qënurit sistematik
Të gjitha këto tipare janë thelbësore në rritjen e vetëbesimit tek fëmija juaj.
