Enver Hoxha dhe Tito, arkitektët e parë të “Ballkanit të Hapur”

Nga Dr. Hasan Bello

Enver Hoxha dhe Tito arkitektët e “Ballkanit të Hapur”

Përkufizimi i “Open Balkan” si një zonë politike dhe ekonomike e tre shteteve ballkanike, duke përfshirë Shqipërinë, Serbinë dhe Maqedoninë e Veriut është një projekt i vjetër.

Kjo fillon e mbaron në vitet 1944-1948 kur Enver Hoxha dhe PKSh-ja u përpoqën që Shqipërinë ta bënin pjesë të Federatës Jugosllave.

Për këtë u nënshkruan një sërë marrëveshjesh për bashkimin doganor, unifikimin e monedhave, të çmimeve, komandës ushtarake dhe partisë.

Sipas Enver Hoxhës, Tito i kishte deklaruar se nga ky bashkim do të përfitonte më shumë populli i Kosovës.

Enveri ishte i bindur se ekonomia shqiptare, për shkak të prapambetjes, nuk ishte në gjendje të zhvillohej më vete.

Prandaj nevojitej ndihma e Jugosllavisë.

Në aspektin partiak bashkimi u vu re që në Kongresin e Përmetit 24-28 maj 1944 ku në fasadën e godinës, përkrah fotos së Enver Hoxhvs ishte vendosur edhe ajo e Titos.

Madje, ai e deklaronte hapur se sekretar i pvrgjithshem i PKSh-së, nuk jam unë, por “marshalli”.

Ndërsa në institucionet kryesore të shtetit filloi të shpërndahej portreti i Titos.

Ajo që shkatërroi zbatimin e këtij projekti ishte çarja e Stalinit me Titon në vitin 1948.

Kjo beri që, nga vendi ynë të largoheshin 1300 specialistë jugosllavë që ishin atashuar pranë çdo zyre dhe dikasteri shqiptar, duke përfshirë ushtrinë, Ministrinë e Brendshme dhe Sigurimin e Shtetit.