Bianca Censori është bërë temë diskutimi dhe jo për arritjet e saj si dizajnere, as për Masterin e saj në Arkitekturë, në Universitetin e Melburnit. Bashkëshortja e Kanye West nuk është një nga fytyrat më të dashura të showbiz-it të huaj, pasi prania e saj në publik shpesh është komentuar si “vulgare” dhe “e pahijshme”.

Ajo që komentohet, megjithatë, më së shumti janë paraqitjet thuajse të zhveshura të 27-vjeçares Censori. Ajo ka ecur me reperin “në mënyrë provokuese dhe të turpshme”, siç pretendojnë shumica e italianëve në rrjetet sociale.

Por a ishte gjithmonë kështu?

Ndryshimet në pamjen e saj kanë çuditur mediat ndërkombëtare dhe shumë po pyesin nëse është iniciativë e saj apo është ndikuar nga bashkëshorti i saj i famshëm. Mbizotëron mendimi se Bianca Censori po përpiqet t’i ngjajë ish-bashkëshortes së West, Kim Kardashian, me operacione plastike dhe një stil provokues.

Një gazetare nga DailyMail flet edhe për “manipulimin e saj nga Kanye West, i cili nuk heziton ta shndërrojë atë në kukullën e tij për hir të reklamimit të kompanisë dhe emrit të tij”.

Çështja se çfarë ka ndodhur me Censorin shtrohet më shumë për dikë që e njeh të kaluarën e saj.

Ndryshime të ndjeshme nuk shfaq vetëm pamja e saj, pasi fytyra e saj tashmë është krejtësisht ndryshe nga e kaluara.

Për më tepër, stilistja australiane e prezantoi veten në botën e biznesit si një person i arsimuar dhe i vetëdijshëm, me inteligjencë të veçantë dhe lëvizje të jashtëzakonshme biznesi për moshën e saj, e cila në asnjë mënyrë (për ata që e njihnin nga e kaluara) nuk do ia lejonte vetes të përdoret në këtë mënyrë.

Çdo hap i saj në rrugët e Firences provokonte.

E veshur me rroba që i lënë pak vend imagjinatës, nuk mund të mos pyesim veten nëse Bianca Censori është një e dashur për Kanye apo e ‘burgosur’ në lidhje.

Ditë pas dite, bashkëshortja e Kanye West zgjedh veshje që prekin gjithnjë e më shumë kufijtë e fetish-it, duke i zbuluar jo vetëm thithkat, por edhe çdo pjesë të trupit. Në një vend me shumicë katolike si Italia, një shfaqje e tillë mund të shkaktojë vetëm zemërim.

Të gjithë ata që e njohin nga afër stilisten, mendojnë se ajo është manipuluar nga reperi dhe ky i fundit i ka bërë ‘lavazh truri’.