Selena Gomez ka folur për herë të parë mbi thashetheme për një zënkë me Dua Lipën që u hapën pasi ajo i bëri unfollow këngëtares shqiptare në Instagram në qershor.

“Ishte një aksident!” pohoi Selena në një intervistë të re me ‘Fast Company’. “Po hiqja disa persona nga Instagrami im. Pastaj dikush më mori dhe më tha: “Çfarë ka ndodhur me Dua?!”

Gomez gjithsesi i mohoi asokohe thashethemet për mosmarrëveshje mes tyre menjëherë duke shpërndarë një foto në Instagram të saj me një fustan me pika dhe me printe fluturash nga koleksioni i Lipa-s me Versace.

“Një moment i vogël Versace/Dua”, shkroi këngëtarja krah fotos. Dua komentoi nën postimin e Gomez në atë kohë, duke shkruar, “Enjgjëll!!!!” me disa emoji me sy me zemra.

Gomez i bëri sërish follow Duas, por jo Zayn Malik, Gigi Hadid dhe Bella Hadid që i hoqi asokohe.

Pavarësisht vendimit të saj për të hequr nga Instagrami ish-anëtarin e One Direction dhe motrat supermodele, një burim i brendshëm pohoi se asgjë nuk kishte ndodhur mes tyre.

“Nuk ka absolutisht asnjë problem me asnjë nga ata që ajo e ka hequr”, tha një burim i afërt me themeluesen e Rare Beauty për People në qershor.

Vendimi i Gomez për të hequr Malik erdhi disa muaj pasi dyshja u përfol se ishin në lidhje. Megjithatë, ajo deklaroi në TikTok se ishte me beqare pak para se të shtypte butonin unfollow.