Jo gjithmonë është e thjeshtë të dallosh se nga çfarë janë përbërë produktet që ne blejmë. Por Shije ju këshillon përmes disa hapave, si ti kuptoni çfarë jeni duke konsumuar praktikisht:

Ja cilat janë shtatë këshilla për të qenë më të vëmendshëm:

1. Shikoni numrin e kalorive 
Kaloritë, ky është termi më i përdorur nga të gjithë, por për çfarë bëher fjalë? Bëhet fjalë për të një njësi fizike matjeje: sasia e energjisë e nevojshme për të ngritur temperaturën e një grami ujë në një gradë Celsius. Por sa i përket ushqyerjes bëhet fjalë për sasinë që vjen nga djegia e një ushqimi. Vlera e energjisë së një ushqimi shprehet në kalori (cal) ose kilokalori (kcal). Mesatarisht rekomandohet që një mashkull të marrë rreth 2000 dhe 2500 kalori dhe për femrat ajo shkon nga 1550 dhe 1900 kalori. Gjithësesi, kjo varet nga mosha dhe harxhimet fizike të çdo personi. Të dish se sa kalori ka një ushqim të ndihmon që të rregollosh edhe sasinë e ushqimit që duhet të konsumosh.

2. … dhe listën e përbërësve!
Së pari rekomandohet që të shkosh gjatësinë e kësaj liste: sa më e shkurtër është ajo, aq më e thjeshtë është përbërja e produktit. Ajo që duhet gjithashtu të merret parasysh është renditja sipas rendit zbritës të peshës: përbërësi i parë i përmendur është ai në sasi të mëdha.

3. E500, E112 … mos u shqetësoni nga aditivët në ushqim
Aditivët e ushqimit janë të ndarë në pesë familje. Ato shtohen qëllimisht në ushqim për të kryer funksione specifike teknologjike: ngjyruesit (E100 deri E199), konservuesit (E200 deri E299), antioksidantët (E300), nxitësit e shijes (E600) dhe agjentët e cilësisë (E400). Para se të marrin autorizimin nga Komisioni Evropian, aditivët i nënshtrohen vlerësimit të Autoritetit Europian të Sigurisë Ushqimore (EFSA). Mbi këtë bazë, Komisioni krijon një listë të aditivëve të autorizuar. Ajo tregon se te cilat ushqime mund të shtohen dhe dozat maksimale që do të përdoren. Pra vetëm aditivët e kësaj liste mund të shtohen në ushqim. Për më tepër, të gjithë aditivët janë substanca artificiale: acid limoni (E330), për shembull, gjendet në agrume dhe përdoret për cilësitë e tij të ruajtes së ushqimeve. Aditivët duhet të paraqiten në paketim me emrin e tyre kimik, ose sipas kodit numerik.

4. Zgjedhja e drejtë e yndyrnave
Yndyrnat e ngopura (gjalpë, krem, vaj palme) e rrisin kolesterolin LDL, i cili rrezikon të grumbullohet në muret e arterieve të gjakut. Për më tepër, ato nuk janë thelbësore për dietën tonë, sepse trupi ynë e prodhon atë natyrshëm. Por në të kundërt, metabolizmi i njeriut ka të nevojshme tre lloje acidesh yndyrore të pangopura, që trupi nuk mund t’i sintetizojë: acid linoleik (që gjendet në vajin e lulediellit dhe misrit), acidi alfa linolenik (që gjendet te vaji i lirit) dhe DHA (acidi docosaheksaenoik që gjenden në peshk). Këto yndyrna përbëjnë membranat tonë qelizore dhe në veçanti luajnë një rol në funksionet e caktuara njohëse. Por për fat të keq, ata nuk janë pjesë e tabelës ushqyese, ndryshe nga yndyrna të ngopura, ndaj është e nevojshme që t’i njihni ushqimet që i përmbajnë ato.

5. Vëzhgoni sasinë e sheqernave të shtuar
Në tabelën ushqyese janë: sasia e përgjithshme e karbohidrateve (të thjeshta apo komplekse). Jo gjithnjë është e mundur të bëhet dallimi i  sheqernave të shtuara nga karbohidratet e tjera të thjeshta që janë të pranishme në produkt, por sa më e lartë përqindja e karbohidrateve të thjeshta, aq më e lartë mendohet të jetë sasia e  sheqernave të shtuara.

Industritë përdorin më shpesh sheqerin e tryezës, që nxirret nga kallami i sheqerit ose panxhari, shurupi i misrit (nga niseshteja e misrit apo grurit) dhe shurupi i glukozës.
Në përgjithësi, kombinimi më i mirë është mes sasive më të ulëta të sheqernave të thjeshta dhe yndyrnave. Ndaj mos harroni të kontrolloni këto elemente për produkte që përmbajnë sheqer (siç janë drithërat, ëmbëlsirat), por edhe për produktet e gatshme, siç janë salcat dhe ushqimet gjysmë të gatshme!

6. Mos u gënjeni nga produktet me 0%
Nëse këto produkte nuk përmbajnë yndyrna, ato shpesh përmbajnë sheqerna në sasi të mëdha. “Sheqeri ose yndyra është ajo që i jep shije një produkti. Për një prodhues, heqja e sasisë së dhjamit do të thotë shtim të sasis së sheqernave, për të mos u prezantuar konsumatorëve një produkt pa shije “, thotë dietologia Kler Marzin. Kështu, kur thuhet se kos ka “0% yndyrë, dy herë më shumë proteina” kjo do të thotë se ai përmban një shtresë konservimi që ka po aq kalori sa një ëmbëlsirë qumështi me vanilje! Në këtë rast, më mirë të zgjidhni një djathë klasik të bardhë.

7. Mos u mashtroni nga paketimi
Paketimet e thjeshta në ngjyrë të lehtë blutë sjellin në mendje shpesh një produkt të lehtë për t’u ngrënë. Megjithatë, këto sinjale nuk lejojnë një lexim të tabelës së të ushqyerit. “Kuptova se ushqimet me paketimin blu të lehtë, janë më të ëmbëla dhe për këtë arsye me më shumë kalori se sa ato me sheqerna të shtuara, edhe pse ato nuk kanë paketimi të veçantë”, thotë Kler. Sipas dietologes, ka drithëra ose biskota ‘fitness’ që janë po aq të pasura me kalori sa edhe produktet klasike.