Marrja e presionit të gjakut ( tensioni) çdo ditë mund të jetë një mënyrë e shkëlqyeshme për të monitoruar shëndetin tuaj. Nëse po planifikoni të filloni monitorimin në shtëpi, është e rëndësishme të jeni sa ë i saktë që të jetë e mundur.

Një nga mënyrat më të mira për të marrë një lexim të saktë të presionit të gjakut është ta matni në të njëjtën kohë çdo ditë. Koha e duhur e ditës do të varet nga ju dhe orari që keni.

Kur duhet të kontrolloni presionin e gjakut?

Presioni i gjakut ndryshon gjatë gjithë ditës. Në përgjithësi, do të jetë më i ulët kur të zgjoheni dhe do të rritet kur bëni aktivitete të përditshme.

Meqenëse presioni i gjakut ndryshon gjatë gjithë ditës, është një ide e mirë ta matni të paktën dy herë. Matja e presionit të gjakut disa herë gjatë ditës siguron një lexim të saktë.

Koha më e mirë e ditës për të matur presionin e gjakut varet nga ju dhe rutina juaj e përditshme. Është  e rëndësishme të zgjidhni një orar që mund t’i përmbaheni çdo ditë.

Matja  në të njëjtën kohë çdo ditë është thelbësore për të kuptuar presionin real të gjakut. Mund të ndihmojë të siguroheni që leximet që bëni nuk ndikohen nga ngjarjet e ditës.

Mund të zgjidhni kohën kur e dini se do të jeni në shtëpi dhe nuk ka gjasa që ky ritual të ndërpritet. Për shembull, mund të kontrolloni presionin e gjakut para se të niseni për në punë, kur të ktheheni nga puna dhe para gjumit.

Faktorët që mund të ndikojnë në vlerat e tensionit.

Ekzistojnë disa rregulla të përgjithshme për të qenë të vetëdijshëm kur bëhet fjalë për kohën e leximit të presionit të gjakut.

Për shembull, nuk është një ide e mirë ta matni menjëherë pasi të zgjoheni, pasi kjo do të japë vlerën më të ulët. Në vend të kësaj, synoni ta kontrolloni për rreth gjysmë ore pasi të jeni zgjuar.

Është  gjithashtu më mirë të mos prisni pas mëngjesit dhe kafes së mëngjesit pasi ushqimi dhe kafeina mund të rrisin vlerat . Idealisht, një presion i gjakut në mëngjes mund të matet pasi të lani dhëmbët, të keni bër dush dhe të visheni, por para se të hani ose të largoheni për në punë.

Ushqimi dhe kafeina nuk janë të vetmet gjëra që mund të shkaktojnë rritjen e presionit të gjakut. Ka disa gjëra të tjera të përditshme që mund të bëjnë që presioni të rritet.

Pavarësisht nga koha e ditës që bëni matjen, është më mirë të shmangni këto gjëra për të paktën gjysmë ore para se të bëni një lexim:

• pirja e duhanit
• stërvitja
• konsumimi i alkoolit

Matja e presionit të gjakut mund të jetë një mjet i dobishëm për monitorimin e shëndetit. Një nga hapat më të rëndësishëm që mund të ndërmerrni për të siguruar që po bëni një matje të saktë të presionit mesatar  është ta matni atë në të njëjtën kohë çdo ditë.

Sigurohuni që të jeni të relaksuar më përpara.

Regjistroni vlerat çdo ditë dhe raportoni çdo ndryshim te mjeku, veçanërisht nëse ato janë të larta.