Kioske
Kujt i shërben shprehja, “Mos politizoni “
nga Lutfi Dervishi
Mos politizoni!
Ndodh një ngjarje e bujshme kriminale, përgjigja e parë: mos e përdorni politikisht!
Zbulohet një aferë korruptive, skandalet pasojnë njëra-tjetrën: reagimi i parë: mos e politizojmë?
Emigrimi në rritje. Vendi zbrazet. Përgjigja e parë: mos e përdorni politikisht.
Çmimet e inflacioni në rritje: mos i përdorni politikisht.
Rrogat e pensionet në gropë: përgjigja: mos politizoni.
Zjarret bëjnë kërdinë: reagimi i shpejtë: mos i përdorni politikisht.Bie tërmet: reagimi parë: mos politozoni fatkeqësinë.
Pandemia: mos bëni politikë me pandeminë.Bie shteti digjital: reagimi i shpejtë: mos e përdorni politikisht.
Investitorët strategjikë dalin amerikanë nga Kuçova e zvicerianë nga Peqini: përgjigja shterruese: mos politizoni biznesin.
Në ngarkesat me kokaine, kapet edhe ndonjë arkë me banane: përgjigja: Mos e përdorni politikisht.
Atëherë: Pse duhet POLITIKA?
Nëse i referohemi kuptimit të vjetër të fjalës greke: politikë do të thotë “çeshtje të qytetit/vendit”.
Pra më shqip thirrja mos politizoni është: mos u merrni me çeshtjet e vendit?!
Kjo e ka edhe një të mirë të madhe: nuk kemi më nevojë për politikanë.
