Katy Perry u kritikua nga publiku i “American Idol” për komentin e saj lidhur me veshjen e një konkurrenteje.

Pasi konkurrentja  Nutsa Buzaladze performoi “Paris (Ooh La La)” të Grace Potter and the Nocturnals me një fustan argjendi dhe çizme të ngjashme, këngëtarja e “Dark Horse” – e cila gjykon shfaqjen  së bashku me Luke Bryan dhe Lionel Richie – i tha asaj që ajo kishte nevojë për të hequr dorë nga pamja e saj e shkëlqyer vezulluese.

“Dëgjo, një gjë që do të doja të mos e  shihja nga ty është veshje me vezullim . E di që do të jetë e vështirë”, tha ajo. Menjëherë pas komentit publiku reagoi duke bërtitur dhe kundërshtuar ëkngëtaren.  Kjo nuk është hera e parë që fansat e kanë të vështirë të pajtohen me gjërat që Perry ka thënë në këtë sezon të “American Idol”.

Muajin e kaluar, këngëtarja e “I Kissed a Girl” u përball me kritika pasi bëri një shaka “të turpëruar” për konkurrenten Sara Beth Liebe që ishte nënë e re e tre fëmijëve. Para se Liebe të fillonte audicionin e saj, ajo i tha Perry, Bryan dhe Richie se ishte 25 vjeç dhe kishte tre fëmijë.

Ndërsa të tre gjyqtarët dukeshin të befasuar, Perry – e cila ndan vajzën Daisy, 2 vjeçe, me të fejuarin Orlando Bloom – u ngrit në këmbë dhe eci pas tavolinës ndërsa Bryan filloi ta brohoriste. “Nëse Katy shtrihet në tavolinë, unë mendoj se do të humbas mendjen,” tha Liebe, të cilës artistja u përgjigj: “Zemër, ti ke qenë shtrirë shumë në tryezë”. Pasi komentet e Perry-t patën reagime të forta, Sara shkoi në TikTok për të ndarë ndjenjat e saj për momentin. “Ishte e turpshme ta kishe këtë në TV. Shumë lënduese”, tha ajo në klipin e 8 marsit.