Justin Bieber thuhet se i ka dhënë fund miqësisë me Kanye West pasi ky i fundit sulmoi gruan e tij, Hailey Bieber, në rrjetet sociale.

Burimet i thanë TMZ të shtunën se Justin dhe Hailey të dy mendojnë se West shkoi “shumë larg” dhe ata janë të lënduar nga komentet e tij. Justin, në veçanti, beson se ai ka qenë gjithmonë mbështetës i reperit, por ndjen nevojën për të mbrojtur bashkëshorten e tij, thanë burime të brendshme.

Në fillim të kësaj jave, West sulmoi Hailey-n pasi ajo mbrojti redaktoren e Vogue Gabriella Karefa-Johnson për kritikimin e bluzave të diskutueshme të stilistit “White Lives Matter”.

“Respekti im për ty shkon thellë mikja ime!”, i shkroi Hailey, Karefa-Johnson në Instagram Stories të martën, duke shtuar, “Të njohësh ty është të të adhurosh dhe të punosh me ty është një nder, më e sjellshmja, më e talentuara, më argëtuesja, më elegantja.”

Hailey nuk e përmendi emrin e West në postimin e saj, por ai gjithsesi u mërzit për komentet e saj dhe e kundërshtoi në një postim tashmë të fshirë në Instagram:

“Prit, a jam anuluar përsëri??? Justin [Bieber] të lutem më njofto.”

Reperi më pas postoi pamje të Hailey-t në një postim të veçantë, duke e akuzuar atë për operacione plastike.

Reperi më pas ndau një screenshot të një artikulli të vitit 2016 që shkruante thashethemet për një lidhje mes Hailey dhe Drake, dhe krahas tij shtoi një mesazh për Justinin ku shkruhej:

“Merre vajzën tënde para se të zemërohem. Supozohet të jesh miku im, apo jo?”

Burimet i thanë TMZ se Hailey dhe Justin mendojnë se West “e kapërceu kufirin” sepse Hailey nuk e përmendi kurrë atë me emër në mbrojtje të shoqes së saj. Ata gjithashtu pretendojnë se ajo kurrë nuk ka bërë një ndërhyrje në hundë. Po ashtu, miqësia e Justin dhe West daton vite më parë.