Këngëtarja Lana Del Rey, e cila është mbështetëse e sloganit politik të Trumpit ‘Make America Great Again’, u është bashkuar komenteve.

Lana del Rey dhe Selena Gomez

Të martën në mëngjes, pasi Selena Gomez postoi një video të saj duke u thyer pas njoftimit të presidentit amerikan Donald Trump për dëbimin e emigrantëve të paligjshëm, interneti u nda në qëndrime. Shumë prej tyre dolën në mbështetje të yllit të muzikës dhe kinematografisë, ndërsa të tjerë e tallën për reagimin duke e cilësuar si të tepruar. Këngëtarja Lana Del Rey, e cila është mbështetëse e sloganit politik të Trumpit ‘Make America Great Again’, u është bashkuar komenteve.

Videoja virale që Selena kishte postuar në Instagram Stories tashmë është fshirë, por komenti i Lana Del Rey për videon, po bën ende xhiron e rrjetit. 

Në klipin e fshirë tani, Selena thoshte: Dëshiroj të them se më vjen shumë keq. Të gjithë njerëzit e mi po sulmohen. Edhe fëmijët. Nuk e kuptoj. Më vjen shumë keq, do të doja ta bëja diçka, por nuk di çfarë të bëj.

“Duhet të bësh valixhet dhe të kthehesh në Meksikë. Merre me vete abuelën (gjyshen),”- i shkruajti Lana.

Selena ka qenë e zëshme për të drejtat e emigracionit për një kohë të gjatë. Ajo madje prodhoi një dokumentar për Netflix në vitin 2019, të titulluar “Living Padocumented”, i cili flet për tetë familje pa dokumente që jetojnë në SHBA nën administrimin e Trump. Në tetor 2019, këngëtarja-aktorja foli për revistën TIME ku zbuloi se në vitet 1970, tezja e saj kaloi kufirin SHBA-Meksikë, e ndjekur nga gjyshërit e saj.