Lidhu me ne

Gatime

Blerina Bombaj: 10 ushqimet më të mira, “minierë ari” për shëndetin


Këto ushqime njihen për ndikimin në jetëgjatësi, në ruajtjen e memories, në luftën kundër tumoreve dhe në parandalimin e shumë sëmundjeve të tjera.

Cilësohen superushqime, falë përmbajtjes së lartë në vitamina dhe minerale, antioksidantë dhe vlerave të larta ushqyese që përmbajnë. Bëhet fjalë për 10 ushqime shumë të mira për shëndetin tonë, disa prej të cilave shumë ekonomike dhe të leverdishme për t’u bërë pjesë e regjimit ushqimor.

10 ushqimet e këshilluara nga dietologia klinike Blerina Bombaj, njihen për ndikim në jetëgjatësi, në ruajtjen e memories, në luftën kundër tumoreve dhe në parandalimin e shumë sëmundjeve të tjera. Po kështu, dietologia ju tregon edhe mënyrën se si duhet konsumuar për të përfituar në maksimum vlerat ushqyese të tyre.

Ushqimet

Së pari, agrumet. Vetëm një portokall përmban 100 % të nevojave ditore në vitaminë C. Vitamina C rrit kolesterolin e mirë dhe na forcon kockat. Flavonoidet e agrumeve ndihmojnë në ndaljen e rritjes se qelizave kanceroze dhe veprojnë si anti-inflamator. Këshillë: Shtoni një fetë limon në çajin jeshil. Në një studim u pa se limoni rriste aftësinë e trupit për të përthithur antioksidantët e çajit me 80%.

Së dyti, brokoli ju bën mirë sepse përmban sasi të mëdha vitaminë K dhe C, të cilat janë esenciale në formimin e kockave. Mjafton një tas i vogël me brokoli për të marrë përbërës mbrojtës kundër kancerit. Këshillë: Zierja ne avull i ruan më mirë përbërësit ushqyes se sa zierja në ujë.

Së treti, boronicat ju bëjnë mirë sepse përmbajnë një numër të madh antioksidantesh të cilët rrisin mrekullisht forcën antioksiduese të sistemeve të ndryshme fiziologjike të trupit të njeriut si p.sh., sistemi kardiovaskular, sistemi muskulor dhe nervor. Ato njihen për ndikim në jetëgjatësi, në ruajtjen e memories, në luftën kundër tumoreve dhe në parandalimin e plakjes. Këshillë: Boronicat kanë një sezon të shkurtër prej vetëm 1 muaji, zakonisht korrik-gusht. Shfrytëzojeni këtë periudhe për të blerë sasi të mëdha, i pastroni dhe i vendosni në ngrirje të ndara në porcione gjysmë kilogramësh. Ato e ruajnë forcën e tyre antioksiduese pothuaj të paprekur deri në 6 muaj.

Së katërti, një patate e ëmbël. Patatet e zakonshme dhe të ëmbla. Një patate e kuqe përmban 66 mikrogramë acid folik –një ndërtues i qelizave. Një patate e ëmbël ka 8 herë sasinë e nevojshme të vitaminës A, një vitaminë e rëndësishme për imunitetin ndër të tjera. Këshillë: Lëreni pataten të ftohet përpara se ta konsumoni. Në këtë mënyrë mund të digjni 25% më shumë yndyrë pas vaktit.

Së pesti, sardelet ju bëjnë mirë sepse janë një burim i shkëlqyer i acideve lyrore omega -3 të cilat na ndihmojnë të luftojmë depresionin, kancerin dhe sëmundje të zemrës. 90 gr përmban 50% të nevojave ditore në Niasin, e cila ndihmon mbrojtjen kundër sëmundjes Alzheimer. Këshillë: Piqini në furrë me limon dhe hudhra, në këtë mënyrë bashkëveprojnë duke forcuar imunitetin ndjeshëm.

Së gjashti, arrat ju bëjnë mirë sepse përmbajnë sasinë më të lartë të acideve lyrore omega -3 nga të gjithë frutat e thata. Ndihmojnë në uljen e kolesterolit dhe luftojnë pagjumësinë. Këshillë: 6-7 arra në ditë mjaftojnë.

Së shtati, vaji i ullirit ekstra i virgjër ju bën mirë sepse është i pasur në antioksidantë dhe flavonoide, substanca mikroskopike të cilat luajnë një rol madhor në mbrojtjen kundër kancerit. Rrit kolesterolin e mirë dhe ndihmon djegien e dhjamit sidomos në zonën e barkut. Këshillë: Përdoreni gjithmonë në sallatë ose me bukë të zezë. Nëse dëshironi një ushqim të skuqur preferoni vajin e ullirit pasi është mjaft rezistent ndaj oksidimit.

Së teti, hudhra ju bën mirë sepse është një luftëtar i fortë i sëmundjeve duke penguar rritjen e baktereve përfshirë edhe E.colin. Allicin, një përbërës i gjetur te hudhrat, vepron si një agjent anti-inflamator i fuqishëm dhe ndihmon në uljen e kolesterolit dhe tensionit. Këshillë: Hudhra e shtypur lëshon sasinë më të madhe të allicinës. Mos e gatuani shumë sepse humb shumë nga vlerat e saj.

Së nënti, spinaqi ju bën mirë sepse përmban lutein dhe zeaxanthin, antioksidantë të rëndësishëm për shikimin dhe imunitetin. Sipas studimeve të fundit është gjetur se ndër fruta- zarzavatet më të shëndetshme spinaqi renditet ndër të parët. Këshillë: Spinaqi përdoret më së miri në lëngje zarzavatesh, p.sh.: 1 kupë spinaq, 1 karotë, 1 banane dhe 1 kupë lëng molle bëjnë një pije për t’u provuar.

Së dhjeti, fasulet ju bëjnë mirë sepse duke ngrënë 4 herë në javë nga një 1 kupë fasule ulet rreziku i sëmundjeve të zemrës me 22%. I njëjti zakon mund të uli rrezikun e kancerit të gjirit. Këshillë: Sa më e errët ngjyra e fasuleve aq më shumë antioksidante përmban. Lëvoret e fasuleve të kuqe dhe të zeza përmbajnë 40 herë më shumë antioksidantë se lëvoret e fasuleve të bardha.

Burimi: Blerina Bombaj, dietologe klinike

Me teper

Stil6 orë më herët

Kërcënohet gjyqtarja Diana Di Meo, i publikojnë videot intime, zyrtarja: Është hakmarrje!

Gjyqtarja italiane Diana Di Meo, ka deklaruar se disa faqe i kanë vjedhur disa video intime dhe ia kanë publikuar...

Stil6 orë më herët

“Edhe 8 vite më ke, do martohem me tjetër”- Rudina Dembacaj i bën “presion” Mark Frrokut

Aktorja Rudina Dembacaj ka zbuluar se shkoi tek fallxhorja për të pare fatin e saj dhe letrat taro kanë parashikuar...

Kryesore7 orë më herët

Asnjë kryeministër të mos qëndrojë më shumë se dy mandate/ Po Luli pse duhet të qëndrojë tre në opozitë?

Sot Lulzim Basha si gjithmonë tha perlën e tij të rradhës, shfaq hipokrizinë, talljen dhe neverinë që ka ndaj shqiptarëve....

Radar20 orë më herët

GUXIMI I HARBUTËVE!

GUXIMI I HARBUTËVE! Nga Dr. Erion Dasho Kur kryetaruci i bashkisë nuk kishte lindur akoma, Sul Mema çonte peshë stadiumet....

Kryesore20 orë më herët

Horri apo Lavirja e Bashkisë së Tiranës?

Nga Respublica.al Audiopërgjimi i Erion Veliajt që u publikua gjerësisht në media formalizon njohjen e një gjëje të njohur: arrogancën brutale...

Stil21 orë më herët

U shfaq pranë Bora Zemanit, Vin Veli: Kam raport të mirë, patjetër që do e uroja

DJ Vin Veli, ish-partneri i Bora Zemanit është parë në ditëlindjen e 30-të të moderatores. Dj i njohur i surprizoi...

Stil1 ditë më herët

7 arsyet kryesore që keni një dhimbje koke

Kur godet një dhimbje koke e keqe, thjesht dëshiron që ajo të marrë fund. Dhimbja e fortë dhe e vazhdueshme...

Stil1 ditë më herët

Edhe ju shqetësoheni nga rrallimi i flokëve?!

Humbja e flokëve tek gratë mund të shkaktohet nga shkaqe të shumta, dhe disa janë të shërueshme. Ndërsa rënia e...

Stil1 ditë më herët

A është e dëmshme kërcitja e kockave?

Për shumë njerëz një nga gjërat e para që bëjnë sapo zgjohen nga gjumi është kërcitja e kockave dhe tërheqja...

Stil1 ditë më herët

Keni dhimbje dhe ngërce në këmbë gjatë stervitjes?

Njerëzit që kanë dhimbje në këmbë kur ushtrohen mund të kenë nevojë për një vlerësim për t’u siguruar që kanë...

Facebook