Në përgjigje të akuzës së javës së kaluar të presidentit të Kosovës Hashim Thaçi, që pati deklaruar: “Berisha është argat i Sllobodan Millosheviçit prej 3 dekadash, bën përçarësin e politikës shqiptare, përqafon idetë antikombëtare dhe pengon të ardhmen zhvillimore të Shqipërisë”, ish-kryeministri Sali Berisha, në transmetim të drejtpërdrejt në emisionin “Opinion” akuzoi për argat të Serbisë presidentin Thaçi.
Berisha tha: “Serbët kanë dashur vetë ta heqin Preshevën. Serbët luftojnë për linja të pastra etnike, argati (Hashim Thaçi) lufton po për vija etnike. Ai për lëkurën e tij po copëton Kosovën, dosjen që ka në Hagë. Sepse ka një dosje të madhe në Hagë, ajo dosje është e tërë me origjinë nga Beogradi”.
Mbi këtë, Berisha shpjegoi qëndrimin e tij dhe të Partisë Demokratike ndër vite.
“Qëndrimi i Sali Berishës dhe Partisë Demokratike ndaj Sllobodan Millosheviçit është ky: Më 22 Dhjetor Partia Demokratike ka shpallur programin “Ylli ynë polar”. Njohja e Republikës së Kosovës më 1991. Është bërë përpjekje për promovimin e lidershipit të Kosovës në atë kohë. Në samitin e Helsinkit është futur paragraf i veçantë, në të cilën Kosova trajtohet si njësi më vete. Në atë periudhë janë stërvitur në Shqipëri disa njësi të UÇK, por që të gjitha nën patronazhin e qeverisë së Kosovës, Ibrahim Rugovës. Midis tyre Adem Jashari. Janë dërguar armatime falas pa asnjë çmim Bosnjes dhe Kroacisë në kundërshtim me embargon”.
Berisha tregoi dhe pse, sipas tij, ishte arrestuar Hashim Thaçi gjatë luftës në Kosovë: “Nëse është arrestuar Hashim Thaçi është arrestuar për krim ordiner. Hashim Thaçi flinte me një gazetar në dhomë, quhej Ali Uka, u gjet i bërë thertore në dhomë. Ai është thirrur për Ali Ukën. Nuk them fare se është i implikuar apo jo në vrasjen e tij. I vetmi vend në botë që ishte kundër embargos ishte Shqipëria. Pse? Sepse rëndonte mbi Kosovën. Të tjerët ku e merrnin naftën? Naftën sipas raporteve të OKB, 96% nga Danubi. Rafineria më e madhe e Beogradit merrte me tuba nga Rumania. Ne nuk kishim mjete lundruese në liqen. Ne sollën skafet e policisë. Shkodranët e mbushnin plot serbatorin dhe kalonin me makinë dhe e shisnin në anën tjetër gjysmën e saj”.
I pyetur nëse Shqipëria ishte vizituar nga shërbëtori besnik i Millisheviçit në spastrime etnike, Arkani, Berisha tha se Shqipëria ka qenë një vend i hapur dhe se Arkani mund të kishte ardhur.
“Ai (Arkani) me pasaportë jo serbe mund të ketë hyrë, nuk them dot. Por si Arkan do të arrestohej një mijë herë. Në vitin 1994 Shqipëria kaloi rezolutën në OKB me 137 vota në të cilën popullit të Kosovës i njihet e drejta për vetëvendosje. Kam bërë çmos që Prishtina të ngrihet në protesta kundër Millosheviçit. Mendoja se shqiptarët duhet të protestonin. Duhej reagim. Kaq ka qenë” u shpreh Berisha.
Në lidhje më marrëdheniet e Ramës me Haradinaj, Berisha tha se Edi Rama ishte anti-shqiptari më i madh pas zografit.
“Skam asnjë lidhje me Haradinaj. Rramush Haradinaj mban qëndrimin e tij për vendin e tij, i ka bërë një shërbim shumë të madh Kosovës, se shpëtoi. Shanse nuk ka më. Ditë më të zezë se sa të shkojnë tre zyrtarë të lartë shqiptarë në Berlin për të shitur trojet shqiptare nuk ka”, përfundoi ai.
Burimi: Opinion.al
